Усяго патроху

«Давайце бясплатна, бо што вы мне зробіце?» Беларускія клінеры падзяліліся дзікімі гісторыямі пра сваіх кліентаў

Былы маладафронтавец і «свецкі леў» Іван Шыла даўно займаецца бізнэсам — ён сузаснавальнік клінінгавай кампаніі «Чысты кіт». У твітары яго кампанія падзялілася падборкай трагікамічных гісторый пра кліентаў і іх нетрывіяльныя падыходы да аплаты паслуг клінера.

Фота depositphotos.com

«Наша любімая гісторыя пра ваду. Кліентка адмовілася плаціць, бо на яе думку, клінерка выкарыстоўвала занадта шмат вады падчас уборкі - а дакладней 40 кубаметраў. Так, 40 тысяч літраў вады. Гэта як прыкладна 280 разоў прыняць ванную. Немагчыма? Але аплату за замову мы так і не атрымалі».

«Кліентка папрасіла памяняць спосаб аплаты на картай анлайн, у яе не было наяўных грошай. Калі мы даслалі ёй спасылку на аплату картай, яна заявіла, што мы выкрадзем дадзеныя яе карты і ўсе грошы на ёй. Ок, але што рабіць? Яна паабяцала, што ў бліжэйшы час прывязе наяўныя грошы ў офіс. Раз на месяц мы пытаемся, калі ж гэта адбудзецца і заўжды атрымліваем адказ, што ў бліжэйшы час. Чакаем і верым».

«Кліентка не аплачвала ўборку некалькі месяцаў, не адказвала на званкі і мэйлы, але раптам адказала. Аказалася, што тады ёй не спадабалася, як прыбралі адкрыты балкон. Не, вядома дрэнную адзнаку пасля ўборкі яна не ставіла і не, вядома, не тэлефанавала і не звязвалася з намі. Мы павінны былі здагадацца, што дрэнна прыбралі балкон. Аплаты не будзе».

«Кліент паведаміў: ён лічыць, што кошт уборкі завышаны ў два разы. Проста таму, што паслуга не павінна столькі каштаваць, кошт на сайце яго не збянтэжыў. Мы звязаліся з ім і кліент папрасіў яшчэ і вярнуць палову. Ці ў адваротным выпадку ён заявіць банку, што паслуга не адбылася ўвогуле. І вось ужо некалькі месяцаў мы разбіраемся, ці была ўборка ці ўсё ж яна проста павінна каштаваць у два разы менш. Грошы, вядома, заблакаваныя пакуль ідзе банкаўскае расследаванне».

«Пастаянная кліентка на развітанне перад пераездам у іншую краіну вырашыла замовіць уборку. А пасля прама заявіла: ой, я з'ехала, давайце ўборка будзе бясплатнай, бо што вы мне зробіце, вылічыце па айпі?

Вылічылі па банкаўскай карце і папрасілі не даводзіць да заявы ў мясцовую паліцыю.

Невядома, што б дала такая заява, але аплату праз некалькі тыдняў мы атрымалі».

«Пра тое, што мы не зможам прыбраць без вады і электрычнасці мы пішам дакладна — але гэта ж не нагода аплачваць час клінераў, якія ў 7 раніцы прыехалі за горад, у дом, дзе няма ані электрычнасці, ані вады. Кліент думаў, што мы прыедзем са сваёй вадой».

«Жыў-быў у Мінску брытанец, які заказваў у нас уборку 2 гады. Да яго хадзіла адна і тая ж супрацоўніца. І калі ён з'яжджаў, то пакінуў ёй рэчы (мікрахвалёўку, прас…) Гаспадыня кватэры, якую ён здымаў, ведала, што рэчы той у Брытанію не павязе і мела на іх віды.

Карацей, абвінавацілі нас у крадзяжы — хоць Джон пацвердзіў, што рэчы аддаў добраахвотна, маёмасць яго, але ўладальніца кватэры была непахісная. Рэчы прасіла вярнуць, абяцала заяву ў міліцыю, тэлефанавала і лаялася, напісала шмат водгукаў і лістоў з пагрозамі».

«Ад кліента сышла жонка, ён гаруе. І яму тэрмінова патрэбная дапамога ва ўборцы і прасаванні, бо ён ніколі гэтага не рабіў і наогул ён гаруе. (Так, вось такое гендэрнае размеркаванне роляў).

Але пасля ўборкі мы доўгі час не маглі атрымаць аплату - бо кліент, як было сказана, гаруе…і ніяк не мог сабрацца з сіламі і заплаціць».

Пры ўсіх гэтых казусах, кампанія адзначае: насамрэч у нас выдатныя кліенты і гэтыя некалькі гісторый мы збіралі 5 гадоў у 4 краінах і 5 гарадах, дзе працуе наша платформа. Мы робім каля 6 тысяч уборак штомесяц і такія (часам пацешныя) гісторыі здараюцца ўсяго з 2-3 кліентамі ў месяц.

Каментары

Цяпер чытаюць

«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы4

«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы

Усе навіны →
Усе навіны

Блогерка правярае чысціню і якасць прадуктаў у мінскіх крамах. Падабаецца гэта не ўсім13

«Цэны як у сталовай». Мінчанка паабедала ў рэстаране пяцізоркавага гатэля ў цэнтры сталіцы і была шакаваная5

Француза асудзілі да 30 гадоў за забойства жонкі. Ні цела не знайшлі, не было сведак, як і не было прамых доказаў4

Трамп прапанаваў і Расіі, і Украіне абвясціць сябе пераможцамі8

Якая адна рыса робіць менеджара выдатным? Адказ вас здзівіць6

Трамп сказаў Зяленскаму, што пакуль не мае намеру пастаўляць Кіеву ракеты «Тамагаўк»16

Зяленскі гэтым разам ездзіў да Трампа з картамі Расіі3

На аўкцыёне карціну Шагала прадалі за 3 мільёны даляраў4

79‑гадовую пенсіянерку ў Столінскім раёне шукалі 4 дні і знайшлі жывой5

больш чытаных навін
больш лайканых навін

«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы4

«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы

Галоўнае
Усе навіны →

Заўвага:

 

 

 

 

Закрыць Паведаміць