30 снежня выходзіць яе апошні, 1237-ы па ліку нумар.
Нядаўна Вярхоўны суд ліквідаваў заснавальніка газеты — Таварыства беларускай мовы. Таму мусіць спыніць свой выхад і «Наша слова», якое бесперапынна выходзіла з сакавіка 1990 года.
Галоўны рэдактар газеты Станіслаў Суднік у развітальным слове, надрукаваным у апошнім выданні, анансаваў, што з 5 студзеня 2022 года пачне выходзіць электронная газета «Наша слова.pdf». І гэта будзе не электронная версія «Нашага слова», а новая газета.
«Не падаем духам, беларусы. Не спыняемся ні на хвіліну. Гэта наша зямля, гэта наша краіна, гэта наша мова. Мы і толькі мы ў адказе за іхнюю будучыню», — завяршыў сваё выступленне Станіслаў Суднік.
Каментары