Жыхару Лепельскага раёна, які хацеў узарваць аўтамабіль з жонкай, далі 14 гадоў калоніі
Жыхар Лепельскага раёна атрымаў 14 гадоў калоніі за спробу падрыву машыны з жонкай. Прысуд вынес Віцебскі абласны суд.
Мужчыну судзілі па трох артыкулах Крымінальнага кодэкса: ч. 2 арт. 295 (незаконнае набыццё, захоўванне і нашэнне выбуховых рэчываў і выбуховай прылады); ч. 3 арт. 295 (незаконны выраб, захоўванне і нашэнне выбуховай прылады, учыненае паўторна); арт. 14, п. 5 ч. 2 арт. 139 (замах на наўмыснае супрацьпраўнае пазбаўленне жыцця іншага чалавека (забойства), учыненае агульнанебяспечным спосабам).
Ён прызнаў сваю віну часткова.
Суд прысудзіў яго да 14 гадоў пазбаўлення волі ў калоніі ўзмоцненага рэжыму са штрафам 150 базавых велічынь (4800 рублёў), а таксама да прымусовага лячэння ад хранічнага алкагалізму. Суд таксама абавязаў выплаціць кампенсацыю маральнай шкоды ў памеры 10 тысяч рублёў яго жонцы.
«У мяне ён прабачэння не просіць, толькі ў дачкі». Жанчына з-пад Лепеля расказала, як яе з дзіцём ледзь не ўзарваў уласны муж
Лукашэнка: Раман Пратасевіч — даўні супрацоўнік беларускай разведкі59
Каментары