Турэцкую журналістку арыштавалі за прыказкі, якія нібыта абражаюць Эрдагана
Суд палічыў, што выразы кшталту «Карона галаве розуму не дадае», якія ўжывала журналістка Седэф Кабаш падчас інтэрв'ю, абражаюць прэзідэнта Рэджэпа Таіпа Эрдагана, які больш за 20 гадоў знаходзіцца ва ўладзе.
Турэцкую журналістку Седэф Кабаш арыштавалі і адправілі за краты пасля інтэрв'ю ў жывым эфіры апазіцыйнага турэцкага канала Tele1. Падчас гэтага інтэрв'ю Кабаш працытавала некалькі народных прыказак, якія чыноўнікі палічылі абразай на адрас Эрдагана, паведамляе CNN.
Так, Кабаш сказала, што скаціна ў палацы не становіцца царом, а толькі ператварае палац у хлеў. Таксама яна заўважыла, што чалавек не становіцца мудрэйшым ад доўгага нашэння кароны.
Генеральная пракуратура Стамбула ўбачыла ў гэтых словах абразу прэзідэнта Турцыі, хоць Кабаш не згадвала ніякага імя. Міністр юстыцыі заявіў, што «праклінае выродлівыя словы, якія накіраваны супраць нашага прэзідэнта, абранага галасамі нашай нацыі».
Журналістку затрымалі ноччу ў суботу, адвезлі ў паліцэйскі ўчастак, а затым у пракуратуру. Адтуль Кабаш даставілі ў суд, які вынес вердыкт аб арышце. Адвакат журналісткі Угур Пойраз заявіў, што будзе «да канца змагацца супраць беззаконня».
Некамерцыйная арганізацыя «Рэпарцёры без межаў» пасля арышту Кабаш адзначыла, што за час прэзідэнцтва Эрдагана ў Турцыі паводле аналагічных абвінавачванняў былі асуджаныя больш за 70 журналістаў.
Эрдаган займае пасаду прэзідэнта Турцыі з 2014 года, а да гэтага 11 гадоў ён быў прэм'ер-міністрам. Стыль кіравання Эрдагана — аўтарытарны, ён душыць апазіцыю ў краіне.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары