Дэпартамент фінансавых расследаванняў распачаў крымінальную справу ў дачыненні да Паўла Латушкі
Паведамляецца, што органамі фінансавых расследаванняў КДК падчас правядзення праверачных мерапрыемстваў па кантролі за расходаваннем бюджэтных сродкаў, накіраваных на вытворчасць нацыянальных фільмаў і фільмаў у рамках сацыяльна-творчых заказаў, устаноўленыя факты парушэння парадку фінансавання шэрагу кінапраектаў за кошт сродкаў бюджэту.
«Падчас праверачных мерапрыемстваў ад аднаго з кіраўнікоў беларускай кампаніі, якая займаецца вытворчасцю кіна- і відэапрадукцыі, паступіла яўка з павіннай аб перадачы ў 2012 годзе хабару Паўлу Латушку, які займаў на той момант пасаду міністра культуры, памерам 10 000 даляраў. У выніку было спрыяльна вырашанае пытанне аб уключэнні адпаведнага кінапраекта ў план фінансавання вытворчасці фільмаў на 2012-2013 гады», — гаворыцца ў паведамленні Генпракуратуры.
Такім чынам, у дачыненні да Паўла Латушкі заведзеная крымінальная справа па прыкметах складу злачынства, прадугледжанага часткай 3 артыкула 430 КК.
На Латушку таксама распачатыя іншыя справы:
— стварэнне экстрэмісцкага фармавання і кіраўніцтва ім (ч. 1 арт. 361-1 Крымінальнага кодэкса);
— змова з мэтай захопу дзяржаўнай улады неканстытуцыйным шляхам (ч. 1 арт. 357 Крымінальнага кодэкса);
— заклікі да звяржэння або змянення канстытуцыйнага ладу Рэспублікі Беларусь або да ўчынення злачынстваў супраць дзяржавы (па ч. 3 арт. 361 Крымінальнага кодэкса);
— замах на акт тэрарызму (ч. 1 арт. 14 і ч. 3 арт. 289 Крымінальнага кодэкса).
Чытайце таксама:
Супраць Латушкі распачалі справу аб перавышэнні службовых паўнамоцтваў. Нібыта 8 год таму ён незаконна прафінансаваў фільмы
Пракуратура завяла крыміналку на Латушку за правальны фільм. Але падазраваным можа быць не толькі ён
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары