Беларускія клубы не будуць удзельнічаць у хакейнай Лізе чэмпіёнаў «з-за непрадказальнай сітуацыі ў краіне»
Беларускія клубы ў гэтым годзе не будуць запрошаныя для ўдзелу ў хакейнай Лізе чэмпіёнаў, паведамляецца на афіцыйным сайце спаборніцтваў.
Савет Лігі, аргументуючы сваё рашэнне, адзначыў:
«У сувязі з непрадказальнай сітуацыяй у краіне ўдзел каманды з Беларусі ў Лізе чэмпіёнаў на гэты момант будзе занадта рызыкоўным для ўсіх зацікаўленых бакоў. Асабліва пастаянныя збоі ў палётах робяць немагчымым своечасовае планаванне».
Арганізацыя лічыць, што:
«Для такога агульнаеўрапейскага спаборніцтва, як Ліга чэмпіёнаў, абавязковай умовай з'яўляецца тое, каб каманды, заўзятары, афіцыйныя асобы, спонсары, партнёры і пастаўшчыкі паслуг маглі надзейна падарожнічаць і заставацца ў бяспецы. На жаль, у цяперашні час гэта не адносіцца да паездак у Беларусь і назад».
Але пры гэтым «Беларусь застаецца паважаным партнёрам, і дзверы для будучага супрацоўніцтва застаюцца адчыненымі».
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах11
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары