Apple вяртае акаўнты iOS-распрацоўшчыкам з Беларусі, якія заблакавалі «з-за санкцый»
Кампанія Apple вяртае актыўны статус раней заблакаваным акаўнтам распрацоўшчыкаў з Беларусі.
Дадаткі вяртаюць у статус Ready for Sale, пагадненне распрацоўшчыкаў зноў актыўна, а пазнакі аб трапленні пад санкцыі няма. Колькасць падпісчыкаў засталася такой жа, як і да раптоўнага блакавання, а вось водгукі і рэйтынгі ў некаторых дадаткаў «зляцелі».
Apple дагэтуль ніяк не пракаментавала інцыдэнт. Аднак некаторым распрацоўшчыкам, якія трапілі пад блакаванне, карпарацыя даслала прабачэнні:
«Прабачце, вам памылкова быў адпраўлены электронны ліст, які інфармуе аб тым, што юрыдычная асоба, асацыяванае з вашым уліковым запісам распрацоўшчыка ў Apple, адпавядае краіне з абмежаваным доступам. Ваша юрыдычная асоба не знаходзіцца ў спісе рэгіёнаў з абмежаваным доступам і мы выправілі гэтую памылку. Ваш акаўнт распрацоўшчыка цяпер актыўны, а ўсе асацыяваныя з ім дадаткі і куплі зноў даступныя. З вашага боку не патрабуецца ніякіх дадатковых дзеянняў. Мы прыносім свае прабачэнні за дастаўленыя нязручнасці».
5 лютага беларускія распрацоўшчыкі iOS, у якіх ёсць акаўнт з беларускім адрасам рэгістрацыі, атрымалі лісты ад Apple. У іх гаварылася аб санкцыях і дэактывацыі акаўнтаў.
«Мы заўважылі праблему пры пацверджанні вашай ўліковага запісу. Інфармацыя аб юрыдычнай асобе, звязаная з вашым уліковым запісам, цалкам адпавядае краіне з абмежаваным доступам або адной або некалькім краінам са зводнага кантрольнага спісу ўрада ЗША, санкцыйнага спісу іншага ўрада ці спісу рэгіёнаў з абмежаваным доступам» — казалася ў паведамленні ад Apple.
Пры гэтым, пад санкцыі, пра якія паведамляла карпарацыя, трапляла менавіта юрыдычная асоба распрацоўшчыка, а не банк, рахунак якога зарэгістраваны ў акаўнце.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь7
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары