Пра жаданне мець у сваёй краіне пастаянны кантынгент войскаў ЗША заявіў прэзідэнт Літвы Гітанас Наўседа падчас выступлення на вайсковай базе Рукла ў цэнтры краіны пасля таго, як прывітаў тут новую ратацыю міжнароднай баявой групы НАТА, піша Reuters.
Размяшчэнне амерыканскіх войскаў у Літве, паводле Наўседы, павінна стаць фактарам стрымлівання для Расіі і ўзмацніць бяспеку не толькі Літвы, але і ўсяго рэгіёна.
«Вядома, мы будзем размаўляць з ЗША, каб пераканацца, што ратацыйныя войскі ЗША будуць пастаянна заставацца ў Літве», — сказаў Наўседа на прэс-канферэнцыі з гэтай нагоды.
Міжнародная баявая група НАТА ў Літве разгорнутая з 2017 года. У 2019 годзе там змясцілі каля 500 вайскоўцаў ЗША, а неўзабаве ў адказ на расійскія пагрозы Украіне маюць дадаткова прыбыць 350 нямецкіх вайскоўцаў.
Каментары