Жанчына знаходзіцца не ў Беларусі. Ёй патэлефанавалі на замежны нумар са Следчага камітэта Беларусі і выклікалі на допыт у якасці сведкі па «справе Зельцэра», паведамляюць праваабаронцы.
Пасля гібелі Андрэя Зельцэра жанчына, якая вучылася з ім, дала інтэрв’ю журналісту «Камсамольскай праўды ў Беларусі» Генадзю Мажэйку. Яна станоўча адгукнулася пра Зельцэра, маўляў, у дзяцінстве быў нармальным. Ніякім чынам яна не ўсхваляла стрэл Зельцэра ў супрацоўніка КДБ.
Але менавіта з-за гэтага артыкула 1 кастрычніка мінулага года затрымалі журналіста. Генадзь ужо пяты месяц знаходзіцца за кратамі. Само выданне ў Беларусі закрылася.
За каментарыі па справе Зельцэра было затрымана больш за сто чалавек.
Затрыманая жонка Зельцэра Марыя Успенская. Яна прызнаная палітвязнем.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2121
Каментары