Былы прэзідэнт Грузіі Міхаіл Саакашвілі чарговы раз абвясціў галадоўку. Экс-кіраўнік краіны знаходзіцца пад арыштам з 1 кастрычніка
«Я абвяшчаю бестэрміновую галадоўку, галадоўка — гэта рэакцыя на тое, як рэжым ставіцца да мяне і нашага народа», — заявіў ён у зале суда падчас слухання па яго справе.
Саакашвілі вярнуўся ў Грузію 1 кастрычніка напярэдадні муніцыпальных выбараў. У той жа дзень яго затрымалі.
У краіне супраць палітыка распачата некалькі крымінальных спраў, у тым ліку аб перавышэнні паўнамоцтваў і растраце, апошняя — аб незаконным перасячэнні мяжы.
Пасля затрымання яго без узгаднення з адвакатамі змясцілі ў турму ў Руставі, дзе ён абвясціў галадоўку. Пасля пагаршэння стану Саакашвілі на пачатку лістапада перавялі з турмы ў турэмны шпіталь, а затым — у вайсковы шпіталь у горадзе Горы, дзе ён спыніў галадоўку.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары