Паглядзіце, як дзеткі ў розных краінах свету чытаюць вершы Андрэя Скурко
Андрэй Скурко — палітвязень, выбітны аўтар і рэдактар. Па надуманым абвінавачванні ён, як і галоўны рэдактар «Нашай Нівы» Ягор Марціновіч, як і дзясяткі іншых незалежных журналістаў, знаходзіцца за кратамі. Больш за паўгода Андрэй не бачыў свайго сына Тамашыка. Але ён піша і дасылае малому вершы. Так праз любоў, боль і смутак беларусы атрымалі яскравага дзіцячага паэта.
Вершы Андрэя — вясёлыя і жывыя, чытаць іх — што мульцік глядзець.
Калі вашы дзеткі таксама ведаюць творы Скурко, здыміце гэта на відэа і размясціце ў інтэрнэце, калі ласка. Мы іх апублікуем.
Гэтыя беларускія дзеці цяпер жывуць у Варшаве. На адной з імпрэз яны прачыталі верш Андрэя.
Гэтыя хлопчыкі, Стась і Кастусь, жывуць у беларускай сям'і ў Тэхасе, ЗША. Яны таксама расказваюць верш Андрэя.
Нагадаем, што кожную сераду ютуб-канал «Бэйбус» публікуе два Андрэевы вершы з цудоўнай анімацыяй. Глядзіце канал разам з вашымі малымі.
Суд над галоўным рэдактарам «Нашай Нівы» Ягорам Марціновічам і Андрэем Скурко пачнецца з 28 лютага ў судзе Заводскага раёна Мінска. Пачатак у 14:30, судовая зала 32.
Праваабаронцы прызналі Ягора Марціновіча і Андрэя Скурко палітзняволенымі, абвінавачванні супраць іх лічаць палітычна матываванымі. Іх вызвалення запатрабавалі Беларуская асацыяцыя журналістаў і міжнародныя журналісцкія саюзы.
Каментары