Сакратар РНБА Украіны: Мы не чакалі, што напад будзе з тэрыторыі Беларусі
Сакратар Рады нацыянальнай бяспекі і абароны Украіны Аляксей Данілаў даў вялікае інтэрв'ю Бі-бі-сі, у якім прааналізаваў вайну Расіі з Украінай, якая цягнецца ўжо 50 дзён. Ён кажа, што Украіна рыхтавалася да вайны, адзінае, што яны не чакалі, што напад будзе з тэрыторыі Беларусі.
«Мы ўсведамлялі, што будзе адбывацца на тэрыторыі нашай краіны. Больш за тое, дата нападу была не 24 лютага, а 22-га. Яны 22 лютага павінны былі напасці на нашу краіну ў тым фармаце, які ёсць цяпер.
Адзінае, чаго мы не чакалі, — гэта тое, што будзе задзейнічаная тэрыторыя Беларусі. Дыскусіі былі аб гэтым, але ў выніку мы лічылі, што гэта будзе па-іншаму. Але здарылася як здарылася» — падзяліўся Аляксей Данілаў.
«Але (доказам) таго, што мы рыхтаваліся, наша грамадства рыхтавалася, і ўсе рыхтаваліся, з'яўляецца тое, што ўжо 50-ы дзень мы трымаем абарону. Ніводная разведка свету не давала нашай краіне больш, чым 21 дзень. Кіраўнік французскай выведкі 31 сакавіка сышоў у адстаўку, паколькі не прагназаваў, што адбылося. (…) І вінаваціць нас, што мы не рыхтаваліся, — цалкам некарэктна. Мы не маглі выйсці і публічна сказаць насельніцтву: «сябры, 22 лютага пачынаецца вайна». Гэта недапушчальныя рэчы з пункту гледжання дзяржаўнага кіравання. Але мы рыхтаваліся» — дадаў сакратар РНБА.
Цяпер чытаюць
Рэпрэсіі разганяюцца ці запавольваюцца? Давайце лічыць6
Каментары