Грамадства

«Па 300—650 тысяч еўра выявілі», трапіўся нават доктар Лукашэнкі. Афіцыйна — пра затрыманні траўматолагаў

У Беларусі былі затрыманыя 35 артапедаў-траўматолагаў. Такая лічба прагучала на нарадзе ў Аляксандра Лукашэнкі з удзелам міністра аховы здароўя Дзмітрыя Піневіча, генпракурора Андрэя Шведа і кіраўніка КДБ Івана Церцеля.

«Я вельмі добра ведаю ход гэтай аперацыі: кантраляваў. Гэта не сёння, не ўчора пачалося. Я міністра аховы здароўя пра гэта папярэдзіў. Але на сёння 35 чалавек [затрыманыя]. І ўпэўнены (мяне ніхто не пераканае ў адваротным), што гэта не ўсе тыя, хто павінен там з імі побач сядзець», — сказаў Лукашэнка.

Ён заявіў, што дактары «не проста падказвалі людзям, якія ляжаць на аперацыйным стале, якія імпартныя артапедычныя запчасткі ім у цела ўставіць, а прыстойны за гэта ад замежнікаў атрымлівалі хабар». 

«У некаторых [затрыманых] па 300-650 тысяч еўра пры ператрусах выявілі дома… На кішэнныя выдаткі», — распавёў ён.

Паводле Лукашэнкі, быў затрыманы нават доктар, які неаднойчы яго абследаваў. Прозвішча не было названа. 

Як заявіў палітык, на нарадзе ў прысутнасці генпракурора будуць вырашаць, «што рабіць з гэтымі людзьмі».

Піневіч, як выявілася, звяртаўся да Лукашэнкі наконт затрыманых дактароў, той адправіў міністра ў СІЗА.

«Я міністру аховы здароўя, калі ён да мяне звярнуўся з пытаннем, што будзем рабіць і як вось тут разабрацца, прапанаваў пайсці ў следчы ізалятар і там з імі разбірацца. Я разумею, што вы персанальна з кожным правялі працу», — сказаў Лукашэнка.

«З кожным, так», — адказаў Піневіч.

Па словах Лукашэнкі, міністр аховы здароўя прасіў яго ўзяць затрыманых «на парукі» пасля таго, як яны кампенсуюць шкоду дзяржаве, і накіраваць кудысьці для працы па спецыяльнасці.

Таксама Лукашэнка запатрабаваў наладзіць прамыя пастаўкі лекаў і медвырабаў.

«Мы павінны трымаць гэтыя пытанні (паставак і выкарыстання лекаў і медыцынскіх вырабаў) пад кантролем. А каб яны былі пад кантролем, я ўжо тысячу разоў казаў: прыбярыце ўсякае пасярэдніцтва. Закупляйце наўпрост лекі і медыцынскія вырабы. Гэта можна рабіць нават у санкцыйны перыяд», — паставіў Лукашэнка задачу ў чарговы раз. 

«Спасылацца на тое, што хтосьці нам чагосьці не дае, чагосьці не хапае… Ведаеце, у нас медыцынская тэхніка і лекі не знаходзяцца пад жорсткімі санкцыямі.

Калі вам амерыканцы не прадаюць лекі, купіце іх у Індыі, на Кубе. Пытанне толькі ў спраўнасці. Таму спасылкі на тое, што ў нас не хопіць лекаў, яшчэ чагосьці, не прымаюцца», — упэўнена выказаўся Лукашэнка. 

Чытайце таксама:

Што цяпер з чэргамі на эндапратэзаванне? Вось што адказалі ў Мінздароўя

«Справа траўматолагаў»: людзей не выпускаюць праз 10 сутак, сталі вядомыя дэталі абвінавачвання

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Усе навіны →
Усе навіны

Як паступіць у Еўрапейскі гуманітарны ўніверсітэт у 2025 годзе? Расказваем

У дворыку БНТУ памёр чалавек, які ўцякаў ад міліцыі2

«Усе пытаюцца, навошта гэтыя вяроўкі ў столі?» Мінчук купіў студыю і ператварыў яе ў чылаўт-зону1

Не выязджаў з Беларусі, а трапіў на роўмінг: як жыхар Брэстчыны страціў грошы на мабільнай сувязі

«Адчуў сябе калабком». 22-гадовы беларус збег з войска, пажыў на некалькіх кантынентах, але цяпер яму трэба грошы15

«Да нашай машыны ішла хутчэй за міліцыянтаў». Як у Мядзельскім раёне шукалі зніклую 74-гадовую жанчыну2

Навукоўцы высветлілі, якія прадукты ў рацыёне жанчын сярэдніх гадоў павышаюць шанцы на здаровае старэнне

Пяць гадоў таму ў Гродне затрымалі Сяргея Ціханоўскага6

«Мой тэрмін паўнамоцтваў падыходзіць да канца». Ілан Маск пакідае адміністрацыю Трампа4

больш чытаных навін
больш лайканых навін

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі

Галоўнае
Усе навіны →

Заўвага:

 

 

 

 

Закрыць Паведаміць