Інцыдэнт адбыўся на днях, калі ўвечары мінчук з 7-гадовай дачкой выправіўся на шпацыр.
Інцыдэнт адбыўся на днях, калі ўвечары мінчук з 7-гадовай дачкой выправіўся на шпацыр.
«Я толькі сеў на лавачку, а дачка адбеглася метраў на пятнаццаць, — кажа Андрэй Кузьменка, бацька дзяўчынкі. — Раптам чую, яна голасна кліча мяне. Падбег і бачу, як маю дачку абкружылі 2 сабакі: адзін вялікі, другі паменш. Злобна гырчаць, кідаюцца на яе. Я тут жа адагнаў іх. Дзякуй Богу, сабакі не паспелі пакусаць дачкі, але яна вельмі, вельмі спалохалася — на ёй твару не было».
Па выхадзе з Батсаду ахвярам нападу прапанавалі зрабіць запіс у кнізе скаргаў. «Калі мы падышлі да выхаду з боку вуліцы Сурганава, дык служыцелька саду распавяла, што тыя сабакі тут даўно швэндаюцца, а працаўнікі нават баяцца хадзіць на тэрыторыі саду па адным, і што яшчэ даўней дырэкцыя выклікалі кінолагаў, але тыя не знайшлі сабак», — дадае А. Кузьменка.
У адміністрацыі Батанічнага саду паведамілі, што праблема з сабакамі ім добра вядомая і меры прымаюцца.
«Зразумейце, у нас 93 гектары фактычна лясной тэрыторыі, — сказаў адзін з супрацоўнікаў адміністрацыі, які не пажадаў прадставіцца. — У дадатак — побач парк Чалюскінцаў, што адзелены ад Батанічнага саду рэдкай чыгуннай агароджай. Мы не раз звярталіся ў адміністрацыю Першамайскага раёна і да кінолагаў, і нават у таварыства паляўнічых — і пэўныя захады ўсё ж былі зробленыя: увесну злавілі чатыры бадзяжныя сабакі, аднак гэтым разам наведнікаў, відаць, атакаваў новы выпладак».
Гэта трэці выпадак нападу сабакаў у Батанічным садзе за апошнія чатыры месяцы — хіба дагэтуль ахвярамі рабіліся адно жывёлы, лебедзі. У пачатку траўня здабычай бадзяжных сабак зрабілася лебедзь-саміца, а пры канцы чэрвеня — лебедзь-самец.
Цяпер чытаюць
Каментары