«А вось што зрабілі іншыя краіны?» Падаляк адказаў Байдэну на закід, што Украіна не чула папярэджанні пра вайну
Дарадца кіраўніка Офіса прэзідэнта Міхаіл Падаляк, каментуючы заявы, што Украіна нібыта не рыхтавалася да поўнамаштабнага ўварвання РФ, нагадаў, што першыя ўдары расійскіх ракет прыйшліся на макеты. Падрыхтоўка да вялікай вайны, па яго словах, пачалася з мінулага года. Пра гэта ён напісаў у Twitter.
Калі Украіна не рыхтавалася да вайны, чаму першыя расійскія ўдары прыйшліся на макеты, усе боепрыпасы былі разгрупаваныя, а студзень і люты праходзілі ў вучэннях? Украіна рыхтавалася да вайны з мінулага года: інфармацыю пра магчымае ўварванне давалі не толькі заходнія выведкі, але і наша», — заявіў Падаляк.
Дарадца кіраўніка АП таксама папракнуў некаторых заходніх палітыкаў, якія прагназавалі, што ўкраінская армія не зможа супрацьстаяць расійскай даўжэй за тры дні, і пры гэтым зацягвалі з пастаўкамі зброі.
«Толькі калі нехта даваў нам тры дні, украінская выведка казала: выстаім. А вось што зрабілі іншыя краіны, ведаючы пра планы Масквы здзейсніць генацыд, каб яе спыніць — пытанне. Калі б мы пачалі атрымліваць цяжкую зброю ў студзені, сітуацыя магла быць іншай», — заявіў Падаляк.
11 чэрвеня Байдэн заявіў, што Зяленскі нібыта «не хацеў чуць» папярэджанні пра планы РФ па поўнамаштабным нападзе на Украіну.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі37
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары