Як і першы візіт брытанскага прэм'ера, гэты папярэдне не анансаваўся. Уладзімір Зяленскі і ўкраінскі ўрад, як паведамляецца, абмеркавалі пастаўкі цяжкай зброі і сістэм СПА, эканамічную падтрымку Украіны, узмацненне санкцыйнага ціску на Расію, а таксама гарантыі бяспекі, піша «Украінская праўда».
Кіраўнік Офіса прэзідэнта Украіны Андрэй Ярмак паведаміў па выніках сустрэчы:
«Мы абмеркавалі з Борысам Джонсанам неабходнасць паставак цяжкай зброі і сістэм СПА, эканамічную падтрымку Украіны, узмацненне санкцыйнага ціску на Расію, у прыватнасці, прапановы міжнароднай групы Макфола-Ермака, а таксама гарантыі бяспекі для Украіны і неабходнасць кампенсацыі Расеяй нанесенай шкоды нашай дзяржаве. І, вядома, нашу перамогу ў вайне за незалежнасць».
Сам Зяленскі заявіў, што яны з Джонсанам маюць «агульны погляд на тое, як рухацца да перамогі Украіны». Перамовы, па ягоных словам, былі, «як заўжды, максімальна шчырымі і прадметнымі». Ён падзякаваў прэм'еру Брытаніі за магутную падтрымку.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары