Міністэрства абароны Украіны: Беларусь размясціла на мяжы з Украінай драўляныя муляжы танкаў
Падраздзяленні Узброеных сілаў Беларусі размяшчаюць у памежных з Украінай раёнах драўляныя муляжы танкаў, каб прадэманстраваць сваю прысутнасць, паведаміў прадстаўнік Міністэрства абароны Украіны Аляксандр Матузянік.
«З мэтай правядзення мерапрыемстваў аператыўнай маскіроўкі і дэманстрацыі сваёй прысутнасці падраздзяленні Узброеных сілаў Беларусі размяшчаюць у памежных з Украінай раёнах драўляныя муляжы танкаў», — сказаў Матузянік.
Па яго словах, цяпер працягваецца праверка баявой гатоўнасці Узброеных сілаў Беларусі, папярэдне яна працягнецца да 25 чэрвеня. Акрамя таго, захоўваецца пагроза нанясення з тэрыторыі Беларусі ракетных і авіяцыйных удараў па Украіне.
Акрамя таго, Матузянік дадаў, што да сямі беларускіх батальёнаў працягваюць выконваць задачы па ўзмацненні ўкраінска-беларускай мяжы ў Брэсцкай і Гомельскай абласцях. Асноўныя намаганні сканцэнтраваныя на вядзенні разведкі, інжынерным абсталяванні пазіцый і ахове дзяржмяжы. А да дзяжурства прыцягнутыя, паводле яго звестак, вайскоўцы тэрміновай службы.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары