У «ДНР» выступаюць супраць прымусовай мабілізацыі. Учорашніх падлеткаў пазначаюць у спісах прызыўнікоў як «мяса»
Спантанны мітынг адбыўся ў пятніцу, 1 ліпеня, ля будынка Акадэміі МУС у Данецку. Улады непрызнанай рэспублікі вырашылі заклікаць на фронт выпускнікоў, што выклікала абурэнне сярод бацькоў. Нягледзячы на фактычную забарону пратэсных мерапрыемстваў, яны прыйшлі на акцыю, піша телеграм-канал «Можем объяснить».
«Ніякага афіцыйнага ўводу ваеннага становішча (у «ДНР» і «ЛНР») не было. Значыць, мабілізацыя павінна быць на добраахвотнай аснове і па кантракце», — перадала каналу «Можем объяснить» пазіцыю прысутных адна з удзельніц народнага сходу, якая папрасіла не называць яе імя.
Іншы відавочца гэтых падзей распавёў «МО», што пастаянныя аблавы на непадкантрольных Украіне тэрыторыях выклікаюць рэзкае непрыманне з боку мясцовага насельніцтва. «У Марыупалі выпускнікам Акадэміі МУС далі дыплом і адпусцілі на выпускны, а данецкіх адпраўляюць на фронт. Вось такая справядлівасць», — абураецца ён.
У сацсетках зʼявілася некалькі відэа пятнічнага сходу.
Бацькі патрабуюць тлумачэнняў, на што ім раяць пісьмова звярнуцца да кіраўніцтва навучальнай установы.
Мабілізацыя ў «ЛНР» і « ДНР» ідзе ўжо некалькі тыдняў. Людзі спрабуюць адбіваць сваіх сваякоў прама на вуліцы.
У сацсетках з'явіліся здымкі рабочых сшыткаў камандзіра 1-га асобнага батальёна. Там наўпрост напісана, чым будуць займацца курсанты Акадэміі «МУС ДНР», бацькі якіх мітынгуюць у Данецку. 1 і 2 курсы будуць ахоўваць разлікі СПА, склады і размяшчэння. Курсанты 3, 4 і 5 курсаў запісаныя як «мяса».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
Каментары