Анестэзіёлаг, якая лячыла Цімура Міцкевіча пасля збіцця на пратэстах, — за кратамі. Што вядома пра гэтую справу?
Анестэзіёлага-рэаніматолага Дзіцячай гарадской клінічнай бальніцы №2 Мінска Таццяну Талочку затрымалі 12 мая. Яе абвінавачваюць у парушэнні грамадскага парадку (арт. 342 КК) і ў падробцы дакументаў. Па словах родных, сілавікі лічаць, што ў 2020 годзе Таццяна дапамагла выратавацца ад крымінальнага пераследу падлетку Цімуру Міцкевічу, піша Deutsche Welle.
12 жніўня 2020 года непаўналетні Міцкевіч апынуўся ў рэанімацыі пасля збіцця і катаванняў сілавікоў, дактарам прыйшлося ўвесці падлетка ў медыкаментозную кому. 3 верасня Міцкевіча выклікалі на допыт ва ўпраўленне Следчага камітэта па Мінску. На думку следчых, ён удзельнічаў у масавых беспарадках 10 жніўня на вуліцы Прытыцкага і быў датычны да ўзброенага нападу на кіроўцу грузавога аўтамабіля МАЗ. Падчас аднаго з допытаў Міцкевічу стала дрэнна, ён зноў трапіў у рэанімацыю. Праз некалькі дзён Цімур знік з бальніцы. Падлетку ўдалося збегчы з краіны. Цяпер 19-гадовы Міцкевіч ваюе на баку Украіны ў беларускім палку Кастуся Каліноўскага.
Таццяна Талочка была доктарам Цімура Міцкевіча. «ГУБАЗіК не змог яго дапытаць у бальніцы, праз трое сутак сілавікі не знайшлі, у чым яго абвінаваціць, знялі канвой і хлопец збег, калі верыць калегам Таццяны, ужо не з яе аддзялення, — распавядаюць родныя доктаркі.
— Мы не ведаем дакладна, але бачым гэта так: Таня ўваходзіла ў склад камісіі, якая прыняла рашэнне аб тым, што Міцкевіча нельга дапытваць, г. зн. яе подпіс, тэарэтычна, павінен быць пад гэтым рашэннем, як і подпісы іншых дактароў. Мабыць, сілавікі лічаць, што Таня магла даць Міцкевічу нейкія прэпараты ці іншымі дзеяннямі зрабіла так, што яго стан пагоршыўся, і медыцынская камісія прыняла рашэнне, што допыт праводзіць нельга».
Наколькі вядома родным, з усіх супрацоўнікаў бальніцы затрымалі толькі Талочку.
Па словах суразмоўцаў, пасля затрымання Таццяна 25 дзён правяла на Акрэсціна — спачатку ў Цэнтры ізаляцыі правапарушальнікаў, пасля ў ізалятары часовага ўтрымання — без перадач, лістоў, у перапоўненых камерах з бяздомнымі.
Таксама ГУБАЗіК затрымліваў мужа Таццяны. Суразмоўцы DW кажуць, у аддзяленні мужчыну збівалі, каб гэта чула Таццяна і падпісала патрэбныя сілавікам прызнанні.
Цяпер доктарка знаходзіцца ў СІЗА №1 па вуліцы Валадарскага. Тут, адзначаюць блізкія, умовы ўтрымання значна лепшыя, чым на Акрэсціна: у камеры чатыры чалавекі, ёсць маленькі тэлевізар і вентылятар, арыштантаў водзяць на прагулкі, Таццяне перадаюць лісты, яна можа сустракацца з адвакатам. Калі медыка пачнуць судзіць, родным невядома.
Чытайце таксама:
Памятаеце 17-гадовага Цімура Міцкевіча, які ў жніўні 2020-га пасля збіцця сілавікамі быў у коме? Цяпер ён ваюе ва Украіне
Памерла маці 17-гадовага Цімура, які апынуўся ў рэанімацыі пасля пратэстаў. Сіротамі засталіся дзевяць дзяцей
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі15
Каментары
По первому. Вот лежит на улице и помирает человек. Мимо проходит доктор не на смене. Он решает помочь человеку, видит тяжёлое состояние. Доктор решает сделать необходимые действия, так как до скорой человек может не дожить. Его затаскают по судам и могут посадить, если не доживёт до приезда скорой.
По второму. В нормальной стране невозможна команда фас полиции. Не ну могут направить конечно политики, но в целом такое невозможно. Независимая ветвь. У нас же бьют, убивают, подделывают дела (хотя уже не подделывают даже, а просто садят). Гражданского контроля нет. Пропагандоны срывают горло о самой великой милиции.
Вчера была новость о повышении цен на обучение вроде. Дети, уезжайте, валите, сваливайте!