Самае небяспечнае месца на трасе М2? Сур'ёзная аварыя з пераваротам на пераходзе
Траса М2 (Мінск — Нацыянальны аэрапорт Мінск) — гэта шырокая двухпалоска з інтэнсіўным трафікам. Яна вядзе з Мінска ў напрамку Жодзіна і Барысава, а затым ля Кургана Славы зварочвае направа, у напрамку «алімпійкі» і аэрапорта. У вёсцы Жукаў Луг праз М2 знаходзіцца рэгуляваны пешаходны пераход, і, з улікам хуткасці руху, там нярэдка адбываюцца небяспечныя сітуацыі.
Сцэнарыі звычайна падобныя. У гадзіну пік шчыльны паток імчыць у напрамку сталіцы ці з яе, хуткасць на трасе ў найлепшым выпадку 90 км/г, а наперадзе святлафор. Пешаходны пераход неабходны: людзі ідуць на прыпынак грамадскага транспарту. Не заўсёды кіроўцы зніжаюць хуткасць загадзя, даходзіць да экстраннага тармажэння і нават да аварый, зазначае Onliner.by.
Нешта падобнае здарылася на М2 учора раніцай. Наступствы сур'ёзнай аварыі з пераваротам проста на пераходзе бачылі многія.
— Вельмі сур'ёзнае ДТЗ у вёсцы Жукаў Луг. Бус на даху, 5-6 машын памята — распавёў карыстальнік форуму з нікам Бошіров_Р.
— Кабіна выглядае сумна. У 10:20 на месцы быў толькі бус і перад ім нейкі белы паркетнік, — дапоўніў Zmeevik
Пра абставіны здарэння Onlíner паведамілі ў ДАІ Мінскай вобласці.
— ДТЗ здарылася прыкладна ў 9:15. Паводле папярэдняй інфармацыі, мінчук 1990 года нараджэння, рухаючыся ў кірунку сталіцы за рулём Dodge Grand Caravan, сутыкнуўся з аўтамабілем Volkswagen Transporter, які ад удару адкінула на Chevrolet Captiva, які спыніўся на забараняльны сігнал святлафора, — распавялі ў Дзяржаўтаінспекцыі.
Перакуліўся Volkswagen. У аварыі пацярпеў кіроўца гэтай машыны, мужчыну 1986 года нараджэння з траўмамі шпіталізавалі.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й2
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
В ЕС такого не встретить на подобных трассах
Насколько помню, в РБ оценивают строительство надземного перехода в 0.5 млн долларов. Вопрос за что там столько платить?
Если кто знает текущий сметы - поправьте