Samaje niebiaśpiečnaje miesca na trasie M2? Surjoznaja avaryja ź pieravarotam na pierachodzie
Trasa M2 (Minsk — Nacyjanalny aeraport Minsk) — heta šyrokaja dvuchpałoska ź intensiŭnym trafikam. Jana viadzie ź Minska ŭ napramku Žodzina i Barysava, a zatym la Kurhana Słavy zvaročvaje naprava, u napramku «alimpijki» i aeraporta. U vioscy Žukaŭ Łuh praz M2 znachodzicca rehulavany piešachodny pierachod, i, z ulikam chutkaści ruchu, tam niaredka adbyvajucca niebiaśpiečnyja situacyi.
Scenaryi zvyčajna padobnyja. U hadzinu pik ščylny patok imčyć u napramku stalicy ci ź jaje, chutkaść na trasie ŭ najlepšym vypadku 90 km/h, a napieradzie śviatłafor. Piešachodny pierachod nieabchodny: ludzi iduć na prypynak hramadskaha transpartu. Nie zaŭsiody kiroŭcy źnižajuć chutkaść zahadzia, dachodzić da ekstrannaha tarmažeńnia i navat da avaryj, zaznačaje Onliner.by.
Niešta padobnaje zdaryłasia na M2 učora ranicaj. Nastupstvy surjoznaj avaryi ź pieravarotam prosta na pierachodzie bačyli mnohija.
— Vielmi surjoznaje DTZ u vioscy Žukaŭ Łuh. Bus na dachu, 5-6 mašyn pamiata — raspavioŭ karystalnik forumu ź nikam Boširov_R.
— Kabina vyhladaje sumna. U 10:20 na miescy byŭ tolki bus i pierad im niejki bieły parkietnik, — dapoŭniŭ Zmeevik
Pra abstaviny zdareńnia Onlíner paviedamili ŭ DAI Minskaj vobłaści.
— DTZ zdaryłasia prykładna ŭ 9:15. Pavodle papiaredniaj infarmacyi, minčuk 1990 hoda naradžeńnia, ruchajučysia ŭ kirunku stalicy za rulom Dodge Grand Caravan, sutyknuŭsia z aŭtamabilem Volkswagen Transporter, jaki ad udaru adkinuła na Chevrolet Captiva, jaki spyniŭsia na zabaranialny sihnał śviatłafora, — raspaviali ŭ Dziaržaŭtainśpiekcyi.
Pierakuliŭsia Volkswagen. U avaryi paciarpieŭ kiroŭca hetaj mašyny, mužčynu 1986 hoda naradžeńnia z traŭmami špitalizavali.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
V ES takoho nie vstrietiť na podobnych trassach
Naskolko pomniu, v RB ocienivajut stroitielstvo nadziemnoho pieriechoda v 0.5 młn dołłarov. Vopros za čto tam stolko płatiť?
Jeśli kto znajet tiekuŝij śmiety - poprav́tie