Заказнік створаны для захавання рэдкіх раслін і жывёл, уключаных у Чырвоную кнігу Рэспублікі Беларусь, якія знаходзяцца пад міжнароднай аховай, а таксама для захавання іх папуляцый, падтрымання высокай біялагічнай разнастайнасці і экалагічнай раўнавагі, паведамляе БелТА. Гэты заказнік будзе мець мясцовае значэнне.
Па словах начальніка Салігорскай раённай інспекцыі прыродных рэсурсаў і аховы навакольнага асяроддзя Андрэя Камінскага, заказнік быў сфармаваны ў выніку палявых даследаванняў Інстытута эксперыментальнай батанікі НАНБ імя Купрэвіча. Рашэнне аб яго стварэнні было прынятае Салігорскім райвыканкамам 29 чэрвеня.
«Агульная плошча заказніка — 5,3 тыс. га. «На гэтай тэрыторыі было знойдзена каля 33 відаў, уключаных у Чырвоную кнігу. А вывучэнне праводзілася летась. Паводле апошняй інфармацыі, якую мы атрымлівалі ад Нацыянальнай акадэміі навук, мы ўжо маем там 51 від чырвонакніжных раслін і жывёл, якія павінны знаходзіцца пад аховай. Адзначаецца 38 відаў груп жывёл, сярод іх такія рэдкія, як балотная чарапаха, трытон грабеністы. Гэтая тэрыторыя таксама змяшчае два помнікі прыроды — «Дубрава 1» і «Дубрава 2», — патлумачыў Андрэй Камінскі.
Сярод іншага, заказнік створаны і для таго, каб рэалізоўваць турысцка-рэкрэацыйны патэнцыял: «Цяпер разглядаем стварэнне не менш чым чатырох экалагічных сцежак, у тым ліку веласіпедных», — адзначыў начальнік інспекцыі.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары