Беларускі распрацоўшчык стварыў дадатак з вершамі на роднай мове
На дадзены момант там сабрана больш за 80 аўтараў і 11 тысяч вершаў.
Мабільны дадатак выпушчаны для айфона. Спампаваць яго можна бясплатна.
Яго стварыў мабільны распрацоўшчык Дзіоніс Брэк. Над праектам хлопец працаваў тры тыдні па выходных. Гэта не першы яго дадатак.
«Пачыналася ўсё з «Прыказак Лагойшчыны» 10 год таму. Па тэматыцы беларускай мовы я яшчэ рабіў вершы Якуба Коласа і буквар для беларускамоўных дзетак», — дзеліцца Дзіоніс.
Штуршком да праекта з вершамі стаў пост у твітары. Хлопец выклаў скрыншот дадатка пра Якуба Коласа і напісаў, што калі гэты твіт збярэ 200 лайкаў, то ён выпусціць мабільны дадатак з вершамі. Пост у выніку сабраў амаль 870 падабаек.
«Мне падабаецца, што ў твітары есць вялікая супольнасць беларускамоўных людзей. Узнікла ідэя, што дадатак з вершамі можа быць карысным тым, хто робіць першыя крокі на роднай мове. Шмат твораў, якія былі напісаныя 100 год таму нашымі пісьменнікамі, не губляюць актуальнасці і зараз», — кажа Дзіоніс.
Чым цікава праграма? Там можна выбіраць творы канкрэтнага аўтара або прасіць іх выдаваць рандомна. Ёсць і класікі, і сучасныя паэты (напрыклад, Усевалад Сцебурака, Адам Глобус, Наста Кудасава, Уладзімір Някляеў, Андрэй Хадановіч).
Можна таксама паставіць апавяшчэнне — і дадатак будзе дасылаць вам штодзень новы верш. А таксама можна рабіць закладку з абранымі творамі.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Каментары