Войскі Азербайджана зайшлі ў Лачын, які 30 гадоў кантралявала Арменія
Азербайджанская армія размясцілася ў Лачыне і сёлах Забух і Сус.
Азербайджанскія вайскоўцы зайшлі ў горад Лачын, які з 1992 года ў выніку вайны ў Нагорным Карабаху знаходзіўся пад кантролем Арменіі. Пра гэта паведаміў прэзідэнт Азербайджана Ільхам Аліеў у твітары.
«Сёння, 26 жніўня, мы, азербайджанцы, вярнуліся ў горад Лачын. Азербайджанская армія размясцілася ў Лачыне. Вёскі Забух і Сус былі ўзятыя пад кантроль. Віншую ўсіх людзей Лачына і Азербайджана з гэтым падзеяй», — гаворыцца ў яго паведамленні.
Раней расійскія вайскоўцы перадалі Азербайджану кантроль над населенымі пунктамі Лачын, Забух і Сус — гэта значыць, фактычна аддалі Баку кантроль над Лачынскім калідорам — адзіным наземным маршрутам, які злучае Арменію з Нагорным Карабахам у тых межах, у якіх ён існаваў у савецкі час як аўтаномная вобласць у складзе Азербайджана. Непасрэднай мяжы з гэтай вобласцю тагачасная Армянская ССР не мела.
У адпаведнасці з пагадненнем, падпісаным паміж Арменіяй і Азербайджанам пасля вайны ў Нагорным Карабаху ў 2020 годзе, абедзве краіны павінны былі пабудаваць дарогі ў абыход Лачынскага калідора на працягу трох гадоў.
Азербайджан ужо здаў свой маршрут у эксплуатацыю і патрабаваў ад Арменіі зрабіць тое ж самае, а ад Расіі — вывесці сваіх «міратворцаў».
Варта адзначыць, што пасля пачатку вайны ва Украіне, Масква была змушаная перакінуць частку «міратворчага» кантынгенту з Нагорнага Карабаха ва Украіну.
Цяпер чытаюць
Лосік расказаў, як Бабарыку катавалі ў наваполацкай калоніі17
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары