Пад палітычныя рэпрэсіі з 2020 года трапілі як мінімум 19 праваслаўных святароў
У сувязі з магчымасцю крымінальнага пераследу арыштаванага ўчора святара Уладзіслава Багамольнікава суполка «Хрысціянская візія» прыводзіць сумную статыстыку па пераследах беларускіх праваслаўных святароў пасля выбараў 9 жніўня 2020 года і да гэтага часу.
Суполцы, якая вядзе маніторынг пераследу на пастаяннай аснове, вядома не менш за 19 выпадкаў прамых ці ўскосных рэпрэсій супраць праваслаўнага святарства ці епіскапату БПЦ.
Пад прамымі рэпрэсіямі разумеецца адміністрацыйны ці крымінальны пераслед, а пад ускосным — рознага роду ціск у выглядзе афіцыйных папярэджанняў; змяшчэння з пасады ці прыходу або пераводу на іншыя, з горшымі ўмовамі; цкавання ў праўладных СМІ або афіляваных з рэжымам Лукашэнкі СМІ і да т. п.
Паводле суровасці рэпрэсій разбіўка такая:
- 1 святар прызнаны «тэрарыстам», супраць яго ўзбуджаная крымінальная справа, доўгі час знаходзіцца ў СІЗА;
- як мінімум 4 святары атрымлівалі арышты або ўтрымліваліся да суда ў ІЧУ;
- у 3 святароў праходзілі ператрусы дома;
- 1 святар атрымаў штраф;
- у 8 выпадках меліся рознага роду змяшчэнні (з пасадаў, прыходу).
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў10
Каментары