У Ганцавіцкім раёне каля вёскі Яловая ў лесе заблукалі 6 чалавек. Падрабязнасцямі інцыдэнту, які адбыўся 10 верасня, падзялілася прэс-служба УМНС Брэсцкай вобласці.
У раёне 21:00 ратавальнікам паступіла паведамленне аб знікненні людзей. Высветлілася, што 4 жанчыны пайшлі на балота па журавіны і заблукалі. Шукаць іх выйшлі яшчэ 2 чалавекі, і знайшлі. Аднак гэта памагло мала: пасля таго не змаглі выбрацца з балота самастойна ўсе шасцёра.
Вяскоўцам нічога не заставалася, як патэлефанаваць у МНС і перадаць прыкладныя каардынаты свайго месцазнаходжання. Да пошукавай аперацыі падключылася і міліцыя.
Атрымаўшы сігнал, супрацоўнікі прачасалі лес з гучнагаварыцелямі. Шукалі людзей крыху больш за гадзіну, але ў выніку такі знайшлі. У медыцынскай дапамозе ягаднікі патрэбы не мелі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары