Велізарная кватэра з інтэр'ерам, больш прыдатным для каралеўскага палаца, прадаецца ў адным са шматпавярховікаў у Серабранцы, піша «Зеркало».
Кватэра плошчай 355 квадратных метраў займае восьмы паверх у цагляным пятнаццаціпавярховіку на вуліцы Якубава ў Мінску. Кошт нерухомасці — 942390 рублёў або 370000 даляраў (1042 даляры за квадратны метр).
У кватэры ёсць гасцёўня, аб'яднаная са сталовай, тры спальні з уласнымі гардэробнымі, кабінет, кухня з абедзеннай зонай, чатыры санвузлы, саўна, асобныя гардэробныя, пральня, тры кладоўкі, шэсць зашклёных лоджый. У дадатак да жылля маецца два машынамесцы ў паркінгу.
Кватэра цалкам адрамантаваная. Яе інтэр'ер імкнуліся зрабіць у класічным стылі, у выніку атрымалася змешванне. Ёсць тут пазалота, крэслы з мудрагелістымі ножкамі, цяжкія канапы і крэслы з закручанымі падлакотнікамі, стракатыя дываны, крышталь, шмат'ярусныя гардзіны і многае іншае. Выглядае вельмі дорага, але такое ўбранне абярэ далёка не кожны.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары