Аб'яднаны пераходны кабінет да 5 кастрычніка вызначыцца з планамі, праектамі і прапановамі
Аб'яднаны пераходны кабінет Беларусі 22 верасня выдаў пастанову «Аб дзеяннях, накіраваных на аднаўленне незалежнасці і суверэнітэту Рэспублікі Беларусь». Гэтай пастановай да 5 кастрычніка ўсе члены кабінета, прызначаныя ў яго ў жніўні, абавязуюцца выканаць пэўныя канкрэтныя дзеянні.
Прадстаўнік па законнасці і правапарадку Аляксандр Азараў мусіць да 5 кастрычніка прадставіць у Аб'яднаны пераходны кабінет Беларусі даклад аб гатоўнасці і тэрмінах рэалізацыі плана мабілізацыі «Перамога».
Прадстаўнік па абароне і нацыянальнай бяспецы Валерый Сахашчык абавязуецца ў гэты ж тэрмін прадставіць у Кабінет план арганізацыйнай, інфармацыйнай і матэрыяльна-тэхнічнай падтрымкі беларускіх добраахвотнікаў, у тым ліку на тэрыторыі Украіны.
Прадстаўнік па транзіце ўлады Павел Латушка павінен «падрыхтаваць і накіраваць інструкцыі дзяржаўным служачым, якія заявілі аб гатоўнасці падтрымаць дэмакратычныя змены ў Беларусі, для наступнай рэалізацыі пры запуску плана «Перамога», а таксама ўнесці на разгляд і зацвярджэнне Кабінета праект палажэння аб прысваенні вайсковых і спецыяльных званняў Беларусі».
Прадстаўнік па замежных справах Валерый Кавалеўскі мусіць зрабіць адразу дзве рэчы: «прадставіць план дзеянняў па забеспячэнні практычных крокаў міжнароднай супольнасці ў падтрымку намаганняў Аб'яднанага Пераходнага Кабінета Беларусі па абароне незалежнасці, тэрытарыяльнай цэласнасці і аднаўлення суверэнітэту Рэспублікі Беларусь» і сумесна з Паўлам Латушкам «падрыхтаваць прапановы аб пераглядзе дагаворна-прававой базы адносінаў Рэспублікі Беларусь з Расійскай Федэрацыяй».
Цяпер чытаюць
СК апублікаваў відэазапіс падзення беспілотніка. На абломках паказалі ўкраінскія надпісы22
Каментары
Размаха шаги саженья."