«Вясна»: Галоўная надзея — што Нобелеўская прэмія стане магчымай прычынай вызвалення Алеся Бяляцкага
Юрыст праваабарончага цэнтра «Вясна» Павел Сапелка пракаментаваў для «НН» прысуджэнне Нобелеўскай прэміі міру Алесю Бяляцкаму, шматгадоваму кіраўніку гэтай арганізацыі.
«З аднаго боку, гэтая навіна проста ашаламляе сваёй нечаканасцю. Але з іншага боку, гэта навіна пра заслужаную ўзнагароду як для Алеся, так і для нашых калег з Украіны і Расіі, гэта ў цэлым прызнанне каштоўнасці праваабароны і праваабарончых перакананняў, дзеянняў у абарону правоў чалавека (Алесь Бяляцкі раздзяліў узнагароду з расійскім цэнтрам «Мемарыял» і ўкраінскім Цэнтрам грамадзянскіх свабод. — «НН»).
У гэтым годзе не было ніякіх знешніх перадумоў для такога рашэння, яно не абмяркоўвалася як верагодны вынік, але гэтая нечаканасць і не здзіўляе. Усе тыя людзі і арганізацыі, якія атрымалі сёлета прэмію міру, безумоўна, заслугоўваюць такога прызнання.
Што датычыцца Алеся, мая галоўная надзея — што прэмія стане магчымай прычынай, па якой ён зможа быць вызвалены ў найбліжэйшы час.
Не хачу пакуль думаць пра тое, ці паўплывае прэмія на ўмовы, у якіх знаходзіцца Алесь. Вядома, як цяперашняя ўлада ставіцца да праваабароны і праваабарончых каштоўнасцей, да дасягненняў уласных грамадзян на міжнароднай арэне, мы памятаем, як была ацэненая Нобелеўская прэмія Святланы Алексіевіч».
«Наша Нiва» — бастыён беларушчыны
ПАДТРЫМАЦЬАлесь Бяляцкі атрымаў Нобелеўскую прэмію міру
Жонка Алеся Бяляцкага: Баюся спадзявацца
Старшыня Нарвежскага Нобелеўскага камітэта заклікала беларускія ўлады вызваліць Бяляцкага з турмы
Азаронак напісаў пра палітэмігранта — пасля гэтага брата і бацьку таго кінулі за краты2
Каментары