Кіраўнік Чачні Рамзан Кадыраў паведаміў пра прызначэнне сваім дарадцам па гуманітарных, сацыяльных і эканамічных пытаннях Арцёма Чайкі.
Арцём Чайка — сын былога генпракурора Расіі, а цяпер пастаяннага прадстаўніка Пуціна ў Паўночна-Каўказскай федэральнай акрузе Юрыя Чайкі.
У Расіі Арцём Чайка, як і яго брат Ігар, сталі вядомыя пасля таго, як у 2015 годзе Фонд барацьбы з карупцыяй Аляксея Навальнага выпусціў фільм «Чайка» — расследаванне аб бізнэсе сям'і Юрыя Чайкі, які тады ўзначальваў Генпракуратуру РФ (ён называў расследаванне заказным). У 2016 годзе Дзяржрэестр засакрэціў звесткі пра іх нерухомасць, замяніўшы імя Арцёма Чайкі на ЛСДУ3, а Ігара Чайкі — на ЙФЯУ9. У 2020 годзе іх сапраўдныя імёны вярнулі ў рэестр.
У Беларусі ж Арцём Чайка вядомы перадусім сяброўствам са старэйшым сынам Лукашэнкі Віктарам. Яны з'яўляюцца заснавальнікамі клуба Iron Birds Chapter, які рэгулярна ладзіць у Беларусі прапагандысцкія мотапрабегі. Адзін з іх адбыўся ў верасні 2020 года, у разгар беларускіх пратэстаў, і фармальна быў прысвечаны 75-годдзю з дня перамогі ў Другой сусветнай вайне.
Маюць сыны высокапастаўленых бацькоў і сумесныя бізнэс-інтарэсы, звязаныя са здабычай золата і медзі ў Магаданскай вобласці.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары