Да шасці з паловай гадоў пазбаўлення волі Мінскім гарадскім судом прысуджаны жыхар сталіцы. Ён прызнаны вінаватым ва ўчыненні забойства ў 2003 годзе.
Як паведаміў старшы памочнік пракурора Мінска Сяргей Балашоў, загінулы — 46-гадовы рабочы ЦЭЦ-4, які займаўся тым, што пазычаў грошы пад працэнты. У 2001 годзе па дзвюх натарыяльна завераных дамовах ён пазычыў 1.725 даляраў тады 35-гадоваму вартаўніку былога дзіцячага садка ў Кастрычніцкім раёне. Аднак той у прызначаны тэрмін цалкам грошы не вярнуў. Крэдытор стаў патрабаваць ад даўжніка выплаціць усю суму, але безвынікова.
15 мая 2003 года дабівацца вяртання пазыкі ён прыйшоў на працу крэдытаатрымальніка. Між імі адбылася сварка, якая перарасла ў бойку. Вартаўнік забіў рабочага некалькімі ўдарамі сякеры па галаве, а труп закапаў у яме на тэрыторыі былога дзіцячага садка.
Доўгі час рабочы ЦЭЦ-4 лічыўся зніклым без звестак. Раскрыць злачынства ўдалося толькі ў 2008 годзе. Следства вялося пракуратурай Мінска. 43-гадовы мінчанін прызнаны вінаватым ва ўчыненні злачынства, прадугледжанага ч. 1 арт. 139 КК. Падчас прызначэння пакарання суд улічваў садзеянне падсуднага ў расследаванні гэтай справы.
Прысуд увайшоў у законную сілу.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары