Страмавусаў: Расійскія вайскоўцы ў Херсонскай вобласці, хутчэй за ўсё, пяройдуць на левы бераг Дняпра
Расійскія войскі, хутчэй за ўсё, сыдуць у левабярэжную частку Херсонскай вобласці, заявіў у эфіры «Салаўёў Live» намеснік кіраўніка акупацыйнай адміністрацыі рэгіёна Кірыл Страмавусаў.
Кірыл Страмавусаў
Ён заклікаў таксама ісці за прыкладам вайскоўцаў і мясцовых людзей.
Пры гэтым той жа Страмавусаў 26 кастрычніка казаў, што, нягледзячы на пастаянныя спробы ўкраінскіх войскаў прарвацца, расійскія войскі трымаюць абарону і «пакуль ніхто нікуды не перамяшчаецца».
Так і цяпер ён, кажучы пра сыход войскаў і заклікаючы да масавай эвакуацыі, адзначае, што ўсе атакі кіеўскіх сіл, маўляў, адбітыя і «масавага рэзкага наступлення», як і вялікай колькасці войскаў, ніхто не бачыць.
Каментары