Пракурор запрасіла 2,5 года хатняй хіміі для экскурсавода Ігара Хмары
У судзе Маскоўскага раёна Мінска пракурорка запрасіла 2,5 года «хатняй хіміі» для экскурсавода Ігара Хмары па справе аб грубым парушэнні парадку (частка 1 артыкула 342 КК) за ўдзел у мітынгу 16 жніўня 2020 года, паведамляе «Медыязона».
У судзе Хмара прызнаў віну і сказаў, што раскайваецца ў сваіх дзеяннях і «змяніў жыццёвыя прыярытэты». На пасяджэнні таксама паведамілі, што 8 жніўня Хмара напісаў яўку з павіннай «на падставе фота ў інстаграме» за 16 жніўня 2020 года.
Экскурсавода затрымалі ў пачатку жніўня. Вечарам Хмара праводзіў экскурсію па Серабранцы, а паведамленне аб яго затрыманні з'явілася бліжэй да ночы. Гэта была другая падобная экскурсія, збор на якую ён абвясціў у сваіх сацсетках — удзел быў бясплатным.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары