Палітзняволеную Наталлю Дуліну абвінавачваюць у «садзейнічанні экстрэмісцкай дзейнасці»
Былой выкладчыцы МДЛУ Наталлі Дулінай выставілі абвінавачванне паводле арт. 361-4 КК — цяпер ёй пагражае да 6 гадоў зняволення, піша «Вясна».
Наталлю затрымалі 3 кастрычніка ў межах крымінальнай справы за ўдзел у пратэстах (арт. 342 КК) і змясцілі ў ІЧУ на Акрэсціна. Затрымлівалі яе мінімум шэсць сілавікоў.
Да гэтага цягам года Наталлю затрымлівалі чатыры разы і судзілі па палітычна матываваных адміністрацыйных артыкулах.
15 лістапада Дуліна сустрэла за кратамі сваё 58-годдзе.
Каментары