Ежа22

Не кожная кава — карысная

Кава — адзін з самых папулярных напояў у свеце, які і стымулюе, і можа аказваць добры ўплыў на здароўе. Але ж не заўсёды кава прыносіць карысць. Тлумачым, як каву лепш не піць.

У мінскай кавярні. Фота з сацыяльных сетак

У першую чаргу кава — гэта крыніца кафеіну, рэчыва-стымулятара. Акрамя гэтага, яна можа мець абязбольваючы і супрацьастматычны эфект. Кафеін разам з тэафілінам і тэабрамінам станоўча ўплывае на цэнтральную нервовую сістэму і стымулюе мазгавую дзейнасць. Таксама цудоўны напой зніжае рызыку развіцця хвароб Альцгеймера і Паркінсана.

Сярод карысных рэчываў, што ёсць у каве, называюць таксама антыаксіданты, якія абараняюць арганізм ад вольных радыкалаў і дапамагаюць выводзіць таксіны. Дзякуючы гэтаму кава можа паскараць метабалізм, што важна для людзей, якія хочуць схуднець.

Але не ўся кава карысная, і некаторыя звычкі каваманаў могуць несці шкоду здароўю.

Перш за ўсё, калі вы п'яце каву з цукрам і салодкім, не перабірайце з імі. Калі есці шмат цукру, паскараецца працэс старэння, а таксама павышаецца рызыка хваробаў накшталт дыябету 2 тыпу ці атлусцення.

Таксама дыетолагі раяць адмовіцца ад падсалоджвальнікаў (аспартаму ці сукралозы), што ўплываюць на ўзровень інсуліну. Калі дадаваць такія рэчы ў каву, гэта можа ўзмацніць імкненне да салодкага. Дый ніхто да канца не ведае, ці бяспечны для здароўя аспартам, наконт яго ў навукоўцаў ёсць шмат сумневаў.

Яшчэ адна шкодная звычка — замяняць сняданак кубачкам кавы. Адмова ад сняданку павялічвае рызыку развіцця язвавай хваробы ці сіндрому раздражнёнага кішэчніка.

Шмат хто спрабуе спатоліць смагу кавай, і гэта таксама не найлепшае рашэнне. Такі падыход можа прывесці да абязводжвання, і праз гэта — да праблем са скурай, зніжэння энергіі ці запаволенага засваення карысных рэчываў. Вось чаму варта не забываць і пра піццё вады — арыентуйцеся як мінімум на 1—1,5 літра чыстай вады штодзень.

Чытайце таксама:

Як заварваць зялёную гарбату? Вось што важна ўлічваць

Кафеін робіць чалавека больш схільным да трат. Вось як гэта працуе

Чатыры спосабы зрабіць сваю каву больш карыснай

Каментары2

  • A ū čaračcy ?
    01.12.2022
    A sto ū čaračcy nalita ? Zychodziačy z koliera -  pavinna byc` zubroūka. Nie ?
  • Пернік
    01.12.2022
    Я думаў, што тут пра каву, а тут пра цукар, пра падсалоджвальнікі ды ўхіленьні ад сьняданку... Ізноў падманулі!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Смерці няма. Як рэжысёрка Дар'я Жук стала маці, а праз паўтара года пахавала сваё дзіця

Смерці няма. Як рэжысёрка Дар'я Жук стала маці, а праз паўтара года пахавала сваё дзіця

Усе навіны →
Усе навіны

53-гадовую спецыялістку па ўпакоўцы асудзілі за ўдзел у пратэстах

«Калеснікава кажа, што не збіраецца выходзіць, пакуль не выйдзе апошні з палітвязняў»32

Анна Вінтур пакідае пасаду галоўнага рэдактара амерыканскага Vogue

«Замест кветак»: маладыя з Магілёва папрасілі ў гасцей на вяселле незвычайныя падарункі 4

«Цяпер ні ад каго не залежу». З «СБ. Беларусь сегодня» звольнілася чарговая прапагандыстка14

У Японіі пакаралі смерцю «забойцу з твітара». Яго адвакаты настойвалі, што ён проста «дапамагаў» дзяўчатам, якія хацелі памерці1

У Магілёве дырэктара рэкламнай фірмы асудзілі па справе «Беларускага Гаюна»4

Больш за 20 тысяч расійскіх вайскоўцаў судзілі за адмову ваяваць супраць Украіны

У Беларусі забаранілі збіраць чорныя лісічкі5

больш чытаных навін
больш лайканых навін

Смерці няма. Як рэжысёрка Дар'я Жук стала маці, а праз паўтара года пахавала сваё дзіця

Смерці няма. Як рэжысёрка Дар'я Жук стала маці, а праз паўтара года пахавала сваё дзіця

Галоўнае
Усе навіны →

Заўвага:

 

 

 

 

Закрыць Паведаміць