Комплекс капітальных будынкаў на мінскай вуліцы Кастрычніцкая, 16 выставілі на аўкцыён. ЗАТ «Белрэалізацыя» арганізуе анлайн-таргі 28 снежня, заяўкі ўдзельнікаў пачалі прымаць за месяц да пачатку.
Тры цагляныя будынкі агульнай плошчай 6 158,3 кв. метра, якія з'яўляюцца гісторыка-культурнай каштоўнасцю, прапануюцца пакупнікам для арганізацыі аб'ектаў гандлю, грамадскага харчавання, аказання паслуг альбо пад вытворчасць, склады і офісы.
Раней у гэтых будынках размяшчаўся культурны хаб «ОК16». Першапачаткова нерухомасць належала ААТ «МЗОР» (Мінскаму станкабудаўнічаму заводу імя Кастрычніцкай рэвалюцыі), але з канца 2018 года маёмасць прадпрыемства актыўна распрадавалася.
Памяшканне, дзе размяшчаўся хаб «ОК16», за 3 мільёны даляраў тады купіў Белгазпрамбанк на чале з Віктарам Бабарыкам. Неўзабаве гэта месца стала вядомым і папулярным, у ім ладзіліся знакавыя для беларускага культурнага і інтэлектуальнага жыцця мерапрыемствы. З 2019 года ім кіравала цяперашняя палізняволеная Марыя Калеснікава.
Пачатковы кошт гэтага лота — амаль 12,63 млн рублёў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары