Яно азначае раздражняльны, правакацыйны ці абразлівы кантэнт, які наўмысна прызначаны для таго, каб выклікаць гнеў ці абурэнне.
Оксфардскі слоўнік англійскай мовы абвясціў rage bait (даслоўны пераклад — «прынада для лютасці») словам 2025 года.
Гэты тэрмін апісвае інтэрнэт-кантэнт, які наўмысна ствараецца, каб выклікаць злосць, абурэнне або агрэсію праз правакацыйныя або абразлівыя матэрыялы дзеля павелічэння трафіку і ўзаемадзеяння ў сацыяльных сетках.
Слова было абрана па выніках галасавання, у якім узялі ўдзел больш за 30 тысяч чалавек.
Ужыванне «rage bait» за апошнія 12 месяцаў павялічылася ў тры разы. Эксперты адзначаюць, што такі рост сігналізуе пра больш глыбокія змены ў тым, як людзі ўспрымаюць і шукаюць увагі ў лічбавай прасторы, а таксама пра рост усведамлення этычных праблем у сеціве.
Прэзідэнт Oxford Languages Каспер Гратвал лічыць, што сам факт існавання і рэзкага ўсплёску ўжывання гэтага тэрміна азначае, што грамадства ўсё больш усведамляе маніпулятыўную тактыку, у якую нас уцягваюць анлайн. Паводле яго слоў, адбыўся драматычны зрух: калі раней інтэрнэт быў сканцэнтраваны на прыцягненні ўвагі праз цікаўнасць (як «clickbait»), дык цяпер мы назіраем рэзкі пераход да яго ўплыву на нашы эмоцыі і на тое, як мы рэагуем.
Гратвал падкрэсліў сувязь паміж сёлетнім словам і тэрмінам «brain rot» (гніенне мозгу), які быў абраны словам 2024 года.
«Brain rot» фіксаваў разумовае знясіленне ад бясконцага скролінгу, у той час як «rage bait» падкрэслівае кантэнт, спецыяльна створаны для распальвання абурэння і прыцягнення клікаў.
На думку эксперта, яны ўтвараюць магутны цыкл: абурэнне спараджае ўзаемадзеянне, алгарытмы гэта ўзмацняюць, што ў выніку прыводзіць да разумовага знясілення.
У шорт-ліст 2025 года таксама ўваходзілі тэрміны «aura farming» (культываванне харызматычнай персоны) і «biohack» (спроба палепшыць сваю фізічную або разумовую працаздольнасць шляхам змены свайго харчавання, ладу жыцця і інш.).
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку27
Каментары