На ўсходзе Беларусі пачаліся паводкі — падтопленыя масты і дарогі
Рэгіянальнае выданне Магілёў.media сабрала паведамленні аб разгуле воднай стыхіі ў розных частках Магілёўскай вобласці. Паводле выдання, у чатырох раёнах вобласці былі падтопленыя масты і шэраг аўтамабільных дарог.
Як паведамілі ў Міністэрстве надзвычайных сітуацый, у першыя дні новага года ў Магілёўскай вобласці былі падтопленыя два нізкаводныя масты ў Мсціслаўскім і Чавускім раёнах і чатыры ўчасткі дарог у Слаўгарадскім, Касцюковіцкім, Круглянскім і Хоцімскім раёнах.
У Круглянскім раёне падтапленне ўчастка дарогі адбылося таксама паміж вёскамі Грыбіна і Аляксандрава.
У выніку павышэння ўзроўню вады ў рацэ Проні адбылося падтапленне ўчастка аўтамабільнай дарогі паміж вёскамі Ляцягі і Улукі Слаўгарадскага раёна, а таксама падтапленне нізкаводнага аўтамабільнага маста і ўчастка аўтамабільнай дарогі каля вёскі Скварск Чавускага раёна.
Падтапленне ўчастка грунтавой дарогі адбылося і каля аграгарадка Баханы Хоцімскага раёна па прычыне павышэння ўзроўню вады ў рацэ Бесядзі. Працягласць участка падтаплення складае дзесяць метраў, таму праезд паміж вёскамі Баханы, Юзэфаўка і Дуброўка не парушаны. Праезд транспарту магчымы, жыццезабеспячэнне насельніцтва не парушана.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары