Мікалаю Аўтуховічу, палітвязню з рэкордным турэмным тэрмінам, споўнілася 60 гадоў
Былы афганец, ён уступіў у барацьбу з сістэмай пасля таго як улады, з усёй відавочнасцю, сфальсіфікавалі вынікі выбараў у Палату прадстаўнікоў, на якіх ён балатаваўся ў сваім Ваўкавыску.
У адказ улады знішчылі ягоны квітнеючы аўтабізнэс. Калі Аўтуховіч не спыніўся, яго пасадзілі ў турму за некалькі патронаў, нібыта знойдзеных у ягоным доме.
Прадпрымальніка затрымалі ў снежні 2020 года. Сярод абвінавачванняў — акт тэрарызму, незаконныя дзеянні ў дачыненні да агнястрэльнай зброі і выбуховых рэчываў, замах на захоп улады, стварэнне злачыннай арганізацыі, распальванне варожасці.
Яму прысудзілі 25 гадоў турэмнага зняволення. Разам з ім на даўжэзныя тэрміны асудзілі 11 ягоных аднадумцаў — ад былых афганцаў да праваслаўнага святара з сям’ёю.
Мяркуючы па абрыўках інфармацыі, якая даходзіць з турмы, Аўтуховіч не зняверыўся, упэўнены ў справядлівасці сваіх дзеянняў і ў тым, што ён яшчэ паўдзельнічае ў аднаўленні канстытуцыйнай законнасці ў краіне і пабудове свабоднай і дэмакратычнай Беларусі.
Аўтуховічу — 25 гадоў калоніі. Вынесены прысуды 12 фігурантам справы
«Есць усё, не можа набыць туалетную паперу». Як цяпер жыве Мікола Аўтуховіч — палітвязень з рэкордным палітычным прысудам
Архіўнае інтэрв'ю. Мікалай Аўтуховіч: Беларусам перадусім трэба поўная канспірацыя!
Цяпер чытаюць
Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза8
Каментары