Ён пройдзе ў закрытым рэжыме.
У Мінскім гарадскім судзе сёння пачынаюць разглядаць справу Tut.by. Працэс будзе весці Валянціна Зянкевіч.
Судзіць будуць генеральнага дырэктара «ТУТ БАЙ медыя» Людмілу Чэкіну, галоўнага рэдактара TUT.BY Марыну Золатаву, журналістак Вольгу Лойка і Алену Таўкачову, юрыскансультантку Кацярыну Ткачэнка. Лойка, Таўкачовай і Ткачэнка на судзе не будзе, яны за мяжой.
Людмілу Чэкіну абвінавачваюць па трох артыкулах КК Беларусі:
— ч. 2 арт. 243 (ухіленне ад выплаты падаткаў, збораў у асабліва буйным памеры) — да сямі гадоў пазбаўлення волі;
— ч. 4 арт. 16, ч. 3 арт. 130 (арганізацыя наўмысных дзеянняў, накіраваных на распальванне расавай, нацыянальнай, рэлігійнай альбо іншай сацыяльнай варожасці або варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці, учыненых групай асоб або выклікаўшых цяжкія наступствы) — да 12 гадоў пазбаўлення волі;
— ч. 4 арт. 16, ч. 3 арт. 361 (кіраўніцтва заклікамі да дзеянняў, накіраваных на прычыненне шкоды нацыянальнай бяспецы Рэспублікі Беларусь, учыненыя з выкарыстаннем сродкаў масавай інфармацыі або глабальнай камп'ютарнай сеткі інтэрнэт) — да пяці гадоў пазбаўлення волі.
Марыну Золатаву таксама абвінавачваюць па трох артыкулах:
— ч. 2 арт. 243 (ухіленне ад выплаты падаткаў, збораў у асабліва буйным памеры) — да сямі гадоў пазбаўлення волі;
— ч. 3 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці, учыненых групай асоб або выклікаўшых цяжкія наступствы) — да 12 гадоў пазбаўлення волі;
— ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь, учыненыя з выкарыстаннем сродкаў масавай інфармацыі або глабальнай камп'ютарнай сеткі інтэрнэт) — да пяці гадоў пазбаўлення волі.
Лойка і Таўкачова, як раней паведамляла Генпракуратура, абвінавачваюцца ў дапамозе ва ўхіленні ад выплаты падаткаў, распальванні сацыяльнай варожасці, распаўсюдзе матэрыялаў з заклікамі да дзеянняў, накіраваных на прычыненне шкоды нацыянальнай бяспецы Рэспублікі Беларусь.
Ткачэнка абвінавацілі ў дапамозе ва ўхіленні ад выплаты падаткаў, актыўным удзеле ў групавых дзеяннях, якія груба парушаюць грамадскі парадак.
Пагром партала адбыўся раніцай 18 мая 2021 года. У той дзень затрымалі 15 чалавек: з вобшукам прыйшлі у рэдакцыю і дадому да некаторых супрацоўнікаў. Цягам года большасць выпусцілі, у СІЗА засталіся толькі Марына Золатава і Людміла Чэкіна.
Беларускі IT-мільярдэр Гурскі: Маю першую жонку забіў гемблер5
Каментары
Крупнейшими тюрьмами для журналистов в мире являются Китай (110 журналистов за решеткой), Мьянма (62 сотрудника прессы находятся под стражей) и Иран, где 47 работников прессы лишены свободы. Больше двух третей всех заключенных журналистов находятся за решеткой без решения суда."
у нас за кратамі знаходзіцца 28 журналістаў. калі паглядзець у адносінах да насельніцтва краін, то атрымліваецца -
у нас 3 палітзняволеныя журналісты на 10 тыс. насельніцтва,
у М'янме - 1 на 10 тыс., у Іране - 0,54 на 10 тыс.
вось так. атрымліваецца, што ў адсотках мы на першым месцы? у гэтай звышсумнай статыстыцы...