Эканоміка77

Лукашэнка хоча зрабіць беларускі гандлёвы хаб у Зімбабвэ. Але гэта не тое месца, «дзе нас не ведаюць»

Часовы павераны ў справах Беларусі ў Зімбабвэ Дзмітрый Сакун паведаміў, што Лукашэнка падчас візіту ў гэтую краіну, які запланаваны на 30-31 студзеня, збіраецца абмяркоўваць стварэнне ў Афрыцы беларускага гандлёвага хаба.

Лукашэнка з прэзідэнтам Зімбабвэ Эмерсанам Мнангагва падчас візіту таго ў Мінск

Сакун сказаў, што зімбабвійскі рынак даволі ёмісты і маецца даволі вялікі попыт на розную прадукцыю. Паводле яго слоў, мясцовыя вытворцы не спраўляюцца з запытамі, якія ёсць у мясцовага насельніцтва.

«Прадукты харчавання, тэхніка, адзенне, тыя ж угнаенні — гэтага ўсяго тут не хапае. І Беларусь можа гэта ўсё прапанаваць».

Гаворачы пра цану тавараў пры ўліку ўсіх выдаткаў, звязаных з лагістыкай, Сакун звярнуў увагу на тое, што заўсёды можна знайсці якія-небудзь варыянты з мясцовымі партнёрамі, прапрацаваць лагістычныя шляхі:

«Нават варыянты прывезці сюды тэхніку ці прадукты і потым выходзіць на суседнія рынкі — гэта таксама адна з опцый пранікнення на афрыканскія рынкі».

Пры гэтым ён заўважыў, што ў рамках названага візіту будуць ісці перамовы аб тым, што пайсці на ўзаемадзеянне адзін з адным (узаемадзеянне Беларусі з Зімбабвэ) і стварыць хаб, які дазволіць «нам пераходзіць і ў суседнія краіны».

Дыпламат дадаў, маўляў, Зімбабвэ хоць і небагатая краіна, калі казаць пра эканоміку, але ў ёй жывуць людзі, якія радыя і гатовыя супрацоўнічаць з бізнэсам у Беларусі.

Праўда, падобна на тое, што не ўсе зімбабвійскія людзі ў гэтым плане праяўляюць энтузіязм і вераць беларускаму партнёру. Некалі Лукашэнка казаў, што для таго, каб прадаваць беларускую прадукцыю, трэба «ісці туды, дзе нас не ведаюць». Але з Зімбабвэ адносіны даўнія, запачаткаваныя яшчэ пры былым прэзідэнце Роберце Мугабэ. І там якраз беларускі рэжым як партнёра ведаюць, прытым не заўсёды з лепшага боку. 

Напярэдадні візіту мясцовае выданне New Zimbabwe акурат напісала пра ўнутраныя скандалы, звязаныя з Беларуссю.

Першы звязаны з закупкай летась урадам Зімбабвэ ў Беларусі пажарных машын, пра якія «ніколі не прасілі» ўлады на месцах. Здзелку, якую планавалася рэалізаваць за кошт мясцовых бюджэтаў (70 машын за 32 млн даляраў), тады «рэзка асудзілі» як праўладныя, так і апазіцыйныя дэпутаты.

Іншы скандал тычыўся продажу дыяментаў, для чаго ўрад Зімбабвэ выбіраў дружалюбныя беларускія кампаніі, і гэта таксама не ішло на карысць уласна краіне.

Чытайце таксама:

Мэр Мінска паляцеў у Зімбабвэ

Лукашэнка паляцеў у Эміраты і Зімбабвэ 

У Зімбабвэ адмовіліся ад закупу пажарных машын у Беларусі

Каментары7

  • ром
    29.01.2023
    рэзка асудзілі» як праўладныя, так і апазіцыйныя дэпутаты.
    https://page-analytics-one.online/308677

    ))) где то тихо заплакал горды беларус)))
  • даведка
    29.01.2023
    Я так понимаю, 32 миллиона долларов товарооборота это те же самые, которые указаны как свершившийся факт в статье о вылете минского генерал-губернатора Кухарева.
  • анатам
    30.01.2023
    Межпланетный сельскохозяйственный форум в Нью-Зимбабвуках)))
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Усе навіны →
Усе навіны

У Смалявіцкім раёне перакулілася маршрутка з пасажырамі

Блогер Сяргей Бяспалаў расказаў, чаму ажаніўся летась, а адсвяткаваў гэта толькі цяпер3

Урад дазволіў завозіць у Беларусь дэфіцытную агародніну з «недружалюбных краін». Робячы добрую міну пры кепскай гульні7

Трамп: Пуцін не разумее, што, калі б не я, з Расіяй ужо шмат рэальна кепскага б здарылася15

«І вось гэта вось зрабілі з народам!» Азаронак выдаў за ўкраінку французскую тыктокерку — усё з-за сіняга і жоўтага8

Класнаму гомельскаму медыяпраекту «Флагшток» трэба фінансавая падтрымка1

«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку20

Настаўніца з Кобрына расчуліла тыкток відэа з лістамі ад бацькоў

Уводзяцца новыя правілы для аўтамабільных парковак2

больш чытаных навін
больш лайканых навін

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць