Жыхар Баранавічаў мусіць выплаціць 3000 рублёў кампенсацыі маральнай шкоды за два каментары
16 студзеня ў судзе Ляхавічаў і Ляхавіцкага раёна вынесены прысуд жыхару Баранавічаў, дызайнеру Дзянісу Ковалю. Яго прызналі вінаватым паводле арт. 369 Крымінальнага кодэкса, піша «Вясна».
Вырак агучыла суддзя Таццяна Жарко. Па хадайніцтве адваката яна зрабіла пасяджэнне закрытым. Бок дзяржабвінавачання падтрымаў Паведайчус.
Мужчыну прызналі вінаватым у тым, што 21 лістапада 2020 года і 3 лютага 2021 года ён абразіў у тэлеграм-канале (мабыць, «Ляховичи-97») Максіма Варанко і Віталя Дабрачынскага.
Пацярпелы Варанко раней быў старшым участковым у Ляхавіцкім раёне, але 16 верасня 2020 года сышоў у адстаўку. Ён даведаўся пра абразы ад сваіх калег увосень 2020 года і ўспрыняў іх у дачыненні да сваёй прафесійнай дзейнасці. Дабрачынскі з 2017 года працаваў у Ляхавічах, да гэтага — у Баранавіцкім ГАУС. Абодва пацярпелыя заявілі пазовы аб кампенсацыі маральнай шкоды — кожны па дзве тысячы рублёў. Яны не настойвалі на крымінальнай адказнасці. Сведкам па справе выступіў Аляксандр Рэўт.
Дзяніс Коваль цалкам прызнаў віну і папрасіў прабачэння ў пацярпелых.
Пракурор запрасіў Дзянісу Ковалю 1,5 года абмежавання волі без накіравання ў ПУАТ — «хатнюю хімію», аднак суддзя Жарко прысудзіла яму на тры месяцы меней: год і тры месяцы «хатняй хіміі». Пацярпелы Дабрачынскі адзначыў, што можна было б назначыць і «хімію» з накіраваннем у ПУАТ. Тэлефон мужчыны канфіскавалі. Таксама Коваль мусіць выплаціць кожнаму пацярпеламу па 1500 тысячы рублёў у якасці кампенсацыі маральнай шкоды.
Адзначым, што па адным з эпізодаў 2 лютага закончыўся тэрмін прыцягнення да адказнасці (два гады).
-
Іван Прус расказаў, як нажыўся на 200 даляраў, пасяліўшы кіназорку ў занядбанай кватэры каля сметніка ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары