Беларускія лабараторыі Synevo неўзабаве перажывуць рэбрэндынг і пераход на расійскія стандарты
Цяпер расійскай лабараторнай службе «Хелікс» належыць 100% найбуйнейшай лабараторыі прыватнай дыягностыкі ў Беларусі, паведаміла санкт-пецярбургскае выданне «Фантанка», не называючы суму інвестыцый.
Аб продажы Synevo «Хеліксу» стала вядома ў лістападзе мінулага года, але неўзабаве з'явілася інфармацыя, што кампанія нібыта аказалася ў ліку тых, якія ўрад забараніў прадаваць. Але, відаць, для расіян гэта невырашальнай праблемай не стала.
Да куплі расійскім бізнэсам беларуская сетка Synevo была інтэграваная ў еўрапейскую сетку лабараторый «Медыкавер». Яна доўгі час была адзінай лабараторыяй у Беларусі, якая мела права праводзіць мікрабіялагічныя даследаванні. Праца вялася ў 58 лабараторных пунктах у 23 гарадах.
Цяпер пачалася арганізацыйная праца па пераводу ўсіх гэтых лабараторый на стандарты «Хелікса».
Таксама кампанію чакае рэбрэндынг. Да канца бягучага года сетка будзе працаваць пад двума брэндамі, расказаў заснавальнік і генеральны дырэктар «Хелікса» Юрый Андрэйчук, а пасля застанецца толькі Helix.
Лабараторная служба «Хелікс» вядомая сваімі 600 дыягнастычнымі цэнтрамі і лабараторнымі пунктамі ў 200 гарадах Расіі і Казахстана. За 2021 год выручка кампаніі склала 16,1 мільярда рублёў, чысты прыбытак — 1,69 мільярда.
Чытайце таксама:
Новымі ўласнікамі сеткі Synevo ў Беларусі стануць рускія
Сетку Synevo забаранілі прадаваць
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары
Ватники идите вслед за своим кораблем!
В Беларуси вам не место.