У Беларусі пачынаецца штогадовая нераставая забарона на лоўлю шчупака, паведаміла Дзяржаўная інспекцыя аховы жывёльнага і расліннага свету.
З 1 сакавіка забарона ўступіць у сілу ў Брэсцкай, Гомельскай, Гродзенскай, Мінскай і Магілёўскай абласцях (яна працягнецца па 15 красавіка), у больш паўночнай частцы Віцебскай вобласці — з 9 сакавіка (і працягнецца па 23 красавіка).
Незаконная здабыча шчупака ў перыяд, на які дзейнічае забарона, пацягне накладанне штрафу ў памеры ад 10 да 30 базавых велічынь для фізічных асоб. Таксама, калі парушальніка зловяць, яму давядзецца пакрыць шкоду, прычыненую навакольнаму асяроддзю, па 9 базавых велічынь за кожную асобіну, бо ў перыяд забароны на вылаў штраф налічваецца ў патроеным памеры.
Цяперашні памер базавай велічыні — 37 рублёў.
Чытайце таксама:
Нават на 9 месяцы цяжарнасці ездзіла на начную рыбалку: жанчына з Віцебска распавяла пра сваё захапленне
Жыхар Баранавічаў злавіў шчупака вагой 10 кілаграмаў
Гомельскі рыбак на Сожы злавіў вялізнага шчупака
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары