Выйшаў на волю жлобінскі актывіст Беларускай сацыял-дэмакратычнай партыі Пятро Канстанцінаў. Ён адбыў цалкам увесь вызначаны яму судом тэрмін, паведамляе партыйны тэлеграм-канал.
6 жніўня 2021 года Пётр Канстанцінаў атрымаў 2 гады калоніі агульнага рэжыму па ч. 1 арт. 342 (арганізацыя масавых беспарадкаў). Такое рашэнне вынес суддзя Жлобінскага раённага суда Мікалай Сергіевіч. Сваю віну сацыял-дэмакрат не прызнаў.
Прэс-служба БСДП адзначае, што Пятро Канстанцінаў стаў чацвёртым сябрам партыі, хто цалкам адбыў у турме тэрмін па «народных» крымінальных артыкулах. На гэты момант у турмах застаецца яшчэ 9 сяброў партыі.
Усяго ж па крымінальных артыкулах, звязаных з палітыкай, асуджана 17 сяброў БСДП. Некаторыя з іх адбываюць хатнюю «хімію».
Каментары