Польшча перадала Украіне некалькі першых знішчальнікаў МіГ-29, паведамляе «Еўрапейская праўда» са спасылкай на кіраўніка Офіса міжнароднай палітыкі прэзідэнта Польшчы Марціна Пшыдача.
Пшыдач адзначыў, што, паводле яго інфармацыі, працэс завяршыўся ў частцы перадачы першай часткі самалётаў.
Падчас візіту прэзідэнта Уладзіміра Зяленскага ў Польшчу 5 красавіка будзе ісці размова аб перадачы іншых адзінак авіяцыі.
Пшыдач не ўдакладніў, колькі самалётаў атрымала Украіна ў першай партыі. Але прэзідэнт Польшчы Анджэй Дуда 16 сакавіка анансаваў перадачу Украіне чатырох МіГ-29 у найбліжэйшыя дні.
17 сакавіка ўрад Славакіі на пазачарговым пасяджэнні прыняў рашэнне перадаць Украіне 13 знішчальнікаў МіГ-29. Першыя чатыры з іх ужо адправілі ва Украіну.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары