З мая расійская авіякампанія «Северсталь Авія» пачынае палёты з беларускай сталіцы ў Архангельск. Рэйсы з Мінска будуць выконвацца двойчы на тыдзень.
З 27 сакавіка гэты самы перавозчык аднавіў рэгулярныя рэйсы па маршруце Чарапавец — Мінск — Чарапавец. А з 3 мая будзе і маршрут у Архангельск з перасадкай у Чарапаўцы.
Палёты будуць выконвацца па панядзелках і серадах на самалётах Bombardier CRJ 200 умяшчальнасцю 50 пасажыраў.
Цэны на квіткі стартуюць прыкладна ад дзесяці тысяч расійскіх рублёў (каля 370 беларускіх).
Як паведамляе прэс-служба Нацыянальнага аэрапорта Мінск, новы напрамак «дазволіць рэалізаваць турыстычны патэнцыял адразу двух рэгіёнаў Расіі».
Раней пра тое, што з 22 красавіка да Архангельска пачнуць хадзіць з Мінска цягнікі, паведаміла Беларуская чыгунка.
Каментары