Суд у Осла абвясціў прысуд у дачыненні да былога вагнераўца Андрэя Мядзведзева, які збег з Расіі ў Нарвегію.
У сярэдзіне студзеня Мядзведзеў перасёк мяжу з Нарвегіяй, дзе папрасіў прытулку.
У снежні Мядзведзеў у інтэрв'ю The Insider расказваў, што яму вядома пра дзесяць выпадкаў, калі вагнераўцы пакаралі смерцю сваіх наймітаў, якія адмовіліся ўдзельнічаць у баявых дзеяннях. Паводле яго, на некалькіх расстрэлах ён прысутнічаў асабіста. Былы зняволены, а пасля «вагнеравец» Яўген Нужын, якога забілі кувалдай, зняўшы гэта на відэа, таксама служыў у падраздзяленні Мядзведзева.
Пасля з'яўлення Мядзведзева ў Нарвегіі спачатку яго хацелі дэпартаваць, але пасля вырашылі гэта не рабіць. Аднак і ціха сядзець у яго не атрымалася.
22 лютага, каля 3:20 ночы Мядзведзеў удзельнічаў у бойцы непадалёк ад аднаго з бараў у цэнтры Осла, пасля чаго супраціўляўся затрыманню і нанёс удары паліцэйскім, сказана ў дакуменце, складзеным пры яго затрыманні.
Акурат па гэтай справе і адбыўся суд. Мядзведзеў быў ім апраўданы па пункце нападу на супрацоўніка паліцыі, але асуджаны да 14 сутак пазбаўлення волі ўмоўна за парушэнне грамадскага парадку і супраціўленне пры арышце.
Калі ў найбліжэйшыя 2 гады былы вагнеравец зробіць рэцыдыў, то яго возьмуць на гэтыя 2 тыдні пад варту.
Чытайце таксама:
Вагнераўца, які ўцёк у Нарвегію і папрасіў там прытулку, арыштавалі за напад на паліцэйскіх
Былы вагнеравец папрасіў прабачэння ва ўкраінцаў
Былы камандзір ПВК «Вагнер» уцёк з Расіі і просіць палітычны прытулак у Нарвегіі
Цяпер чытаюць
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару6
Каментары