Sud u Osła abviaściŭ prysud u dačynieńni da byłoha vahnieraŭca Andreja Miadźviedzieva, jaki źbieh z Rasii ŭ Narviehiju.
U siaredzinie studzienia Miadźviedzieŭ pierasiok miažu z Narviehijaj, dzie paprasiŭ prytułku.
U śniežni Miadźviedzieŭ u intervju The Insider raskazvaŭ, što jamu viadoma pra dziesiać vypadkaŭ, kali vahnieraŭcy pakarali śmierciu svaich najmitaŭ, jakija admovilisia ŭdzielničać u bajavych dziejańniach. Pavodle jaho, na niekalkich rasstrełach jon prysutničaŭ asabista. Były źniavoleny, a paśla «vahnieraviec» Jaŭhien Nužyn, jakoha zabili kuvałdaj, źniaŭšy heta na videa, taksama słužyŭ u padraździaleńni Miadźviedzieva.
Paśla źjaŭleńnia Miadźviedzieva ŭ Narviehii spačatku jaho chacieli departavać, ale paśla vyrašyli heta nie rabić. Adnak i cicha siadzieć u jaho nie atrymałasia.
22 lutaha, kala 3:20 nočy Miadźviedzieŭ udzielničaŭ u bojcy niepadalok ad adnaho z baraŭ u centry Osła, paśla čaho supraciŭlaŭsia zatrymańniu i nanios udary palicejskim, skazana ŭ dakumiencie, składzienym pry jaho zatrymańni.
Akurat pa hetaj spravie i adbyŭsia sud. Miadźviedzieŭ byŭ im apraŭdany pa punkcie napadu na supracoŭnika palicyi, ale asudžany da 14 sutak pazbaŭleńnia voli ŭmoŭna za parušeńnie hramadskaha paradku i supraciŭleńnie pry aryšcie.
Kali ŭ najbližejšyja 2 hady były vahnieraviec zrobić recydyŭ, to jaho voźmuć na hetyja 2 tydni pad vartu.
Čytajcie taksama:
Vahnieraŭca, jaki ŭciok u Narviehiju i paprasiŭ tam prytułku, aryštavali za napad na palicejskich
Były vahnieraviec paprasiŭ prabačeńnia va ŭkraincaŭ
Były kamandzir PVK «Vahnier» uciok z Rasii i prosić palityčny prytułak u Narviehii
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy8
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary