КДБ Беларусі заявіў пра тое, што ў краіне планавалі тэракты на 9 Мая
Старшыня КДБ Іван Церцель паабяцаў 10 мая абнародаваць інфармацыю пра «адпаведныя факты».
«Гэтыя падзеі былі звязаныя, паводле нашых ацэнак, з 9 Мая. <…> Кіраўнік дзяржавы ў курсе гэтых момантаў. Мы затрымалі пэўную колькасць асоб, якія рыхтаваліся да здзяйснення тэрактаў. І ведаем, што за гэтым стаяць спецслужбы… Я не хачу поўнасцю адкрываць сёння. Заўтра мы пастараемся ўсё сказаць», — заявіў Іван Церцель.
2 мая па выніках чарговай нарады сілавога блока ў Лукашэнкі, Іван Церцель прагназаваў значную эскалацыю абстаноўкі па перыметры Беларусі і абяцаў паказаць прыклады прадухілення тэрактаў, працы контрразведкі і матэрыялаў затрыманняў.
Як бачым, вынікі не прымусілі сябе чакаць.
Нагадаем, 19 сакавіка КДБ паведаміў аб ліквідацыі ўзброенага замежніка ў Гродне, які нібыта прыбыў з Польшчы для разведкі патэнцыйных месцаў здзяйснення тэрактаў. Пазней па беларускім тэлебачанні паказалі кадры штурму і заявілі, што ў загінулага быў падроблены пашпарт РФ на імя Аляксея Ламакіна.
Гэтае здарэнне пакінула шмат пытанняў, а «Байпол» назваў спецаперацыю пастаноўкай з удзелам дзейнага супрацоўніка КДБ, які сыграў ролю «тэрарыста».
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары